Our Dream Honeymoon~

希臘被稱為"世界上睇日落最靚既地方".. 曾幾何時, 我亦瘋狂地愛上希臘愛琴海~ 每日都會追看別人既希臘遊記, download晒希臘既相做wallpaper... 不知不覺沉醉於愛琴海中~ 我愛看日落, 愛藍天白雲, 愛白色小屋, 愛島上小貓, 愛深藍大海... 它真係一個好靚好浪漫既地方! 於是我就同自己講, 第時honeymoon, 一定要去希臘先得!

除左希臘之外, 我仲希望去多一個地方, 記得幾年前睇"衝上雲霄", 我被意大利既佛羅倫斯, 羅馬同威尼斯既風景深深吸引住... 有時仲會幻想自己坐喺當地既露天廣場, 聽住街頭既表演音樂, 嘆杯cappuccino... 好relax咁享受一個下午... 正!!

但係我亦聽過意大利搶劫問題嚴重, 又有報導話意大利有好多呃遊客錢既商店... 唔想honeymoon會有掃興事發生囉...

不過, 女人係善變既... 早排睇到容祖兒既現代塵世美 - 瑞士篇~ 嘩!!! 真係好靚呀! 雖然我N年前跟團去過瑞士, 不過當時走馬看花咁, 都冇乜印象... 而家睇到電視既介紹, 令我諗起細個睇既"飄零燕"...一個好舒服, 好純樸, 好靚既世外桃源, 好想去果度深深吸一口新鮮空氣呀!!!

希臘 & 瑞士...等我呀!!!!!!!