如果你喺Wedding Blog蒲過一段時間的話, 相信Cuttlebug對你黎講都唔會陌生~ 雖然我對DIY同做小手工都幾有興趣, 但我又唔捨得俾幾百蚊去買部機返屋企喎...加上部機都幾大舊, 要搵個位放置佢都幾麻煩...
有日我去左中環Paper Art逛逛, 仲俾我見到有個輕便D碌碌, 佢都可以做到好似Cuttlebug既壓花效果, 仲只要賣140蚊, 當然佢冇Cuttlebug咁多用途同埋咁多圖案啦... 不過見百幾蚊咁抵玩, 都買得過既, 可惜我想要既圖案冇貨, 要訂呀... 仲話要等兩個月喎... 好~ 反正仲有時間... 我等!
跟住又見到好多Embossing Template, 雖然之前喺Spotlight都見過, 不過果陣又諗唔到有咩用, 既然而家訂左果個碌碌, 就買黎玩下啦~ 果度有位staff仲好nice咁教我點用, 又介紹埋embossing power俾我添...
返黎試下個效果, 都OK架...
哈哈.... 我都有打算買呀, 不過我應該冇時間攪.....
回覆刪除睇下明年抽唔抽到時間再算......
等你新 update 呀.....
[版主回覆03/04/2010 14:03:00]哈哈...其實我買左都未諗到要黎做乜架...
好正咁喎... 我又係唔捨得買 Cuttlebug 你呢個係邊到買架?
回覆刪除[版主回覆03/04/2010 21:59:00]喺中環既Paper Art紙品天地: http://www.hkpaperart.com/main.htm 買架, 果度仲有好多DIY用品, 好正架~
喺Mega Box既Spotlight都有得賣架, 不過冇Paper Art咁多款囉~
我係一個大懶蟲, 一定唔會有咁好心機DIY
回覆刪除[版主回覆03/05/2010 16:01:00]我係講就天下無敵...hehe...唔知最後成唔成功架~
我有cuttlebug呀
回覆刪除呢家野, 真係會上癮的
咁你呢部都係碌碌機roller?!
[版主回覆03/07/2010 23:36:00]果個碌碌機冇貨要訂呀, 呢塊template要用果支特別筆, 跟住果D線條黎畫...係就係耐D, 不過都幾好玩既~
哈哈~~
回覆刪除次次去到PaperArt就好想買野~~
[版主回覆03/09/2010 09:59:00]係呀~ 試玩完之後都好想買呢~
原來塊野係咁用架? 我有呢支"筆"呀~
回覆刪除[版主回覆04/09/2010 16:28:00]但你要買塊呢d template先得喎...都幾容易架, 試下玩下啦!