三粒花生去旅行 ~ 英倫篇 (Day 1) ~ 飛機上的驚喜

2015年9月26日 (六) (晴)

{香港 -> 早機直航倫敦 -> 姐姐HomeSweetHome投宿}

我地兩粒小花+一粒小生 = 三粒花生去旅行喇!!

今次破天荒有一位女性朋友A join我地, 所以特別多花臣野攪!

因為難得有人同我一齊癲嘛!

除左有隊名之外, 仲有隊旗、Name Tag、Food flag...喺籌備過程已經有無限樂趣喇!

我地搭09:10 CX直飛倫敦

飛機餐黎講, CX都算啱自己口味呢...

可能係早機既關係...個個乘客都唔駛瞓既~

一來冇熄燈瞓覺....二來好多人行黎行去... 

加上九月係開學時間, 成架機爆滿...

我地online check-in時, 只可以揀到全機最後果行既三連位咋~

臨落機前, 有班應該係新相識既外國人, 企喺機尾pantry暢飲傾偈大笑, 當正係酒吧一樣!

好彩D戲都好啱睇...

我睇左加州大地震、反轉腦朋友同叮噹Stand by me

兩套卡通片都係催淚既...我太眼淺嗎?

其實是日係A朋友正日生日

連正日生日都選擇同我地去旅行渡過...我又點可以唔代達少少心意呢?

第一次喺CX訂蛋糕, 冇得揀size, 揀味道, 佢俾乜就乜...

唯一可以係喺蛋糕上寫字

估唔到裏面係芒果海綿蛋糕, 又幾好味喎!

當我親自攞個蛋糕出黎時, 其他乘客都眼甘甘望住呢~

至於空姐/空少們都好好人, 又幫我地影相...希望朋友A有個難忘回憶啦!

落機後, 終於見到五年冇見既姐姐...呢幾日就要打攪佢喇!!

佢接我地返屋企放低行李後, 就帶左我地去街口間Pub飲野!

小木屋裏面點左爉燭好英倫feel呀!! (廢話)

 喺我地Happy Hour既同時...姐夫就喺屋企準備傳統英式大餐喇!!

因為十年前黎英國時, 姐夫都煮過一樣既大餐俾我地食...令我念念不忘

所以大膽要求姐夫再煮一次...

燒牛肉

Yorkshire pudding, 薯蓉, 薯仔, 雜菜...好豐富!

除左朋友A生日之外, 其實九月份仲係我姐姐生日 

我又再斗膽要求姐姐自製生日蛋糕 (其實係佢問我想食咩甜品架!)

同九月兩位壽星女慶祝生日啦!

出發前喺網上order左呢張sim card寄去姐姐屋企

去到activate就用得 (不過老公話搞左好耐喎)

 我地四日買左15磅 4gb果個plan, 三個人share都用唔晒!

不過如果去多幾日既喺機場有得買20磅任上都抵呢~ 

至於我既姨甥女, 5年冇見仲記得我地...但中文就唔係好識講喇...

不過佢都專登喺我地黎之前親手做左呢D杯墊送俾我地...好sweet呀!