三粒花生去旅行 之 英倫篇 (Day 3) (Part II) ~ 速遊倫敦

2015年9月28日 (一) (晴)

{Buckingham Palace Changing Guards > Lunch @ Gordon Ramsay > Horse Guards Parade > Big Ben > London Eye > Jubilee Bridges > Trafalgar Square > St. Paul's Cathedral > Millennium Bridge > Tower Bridge > Piccadilly Circus > M&M's World > Dinner @ Rock & Sole Plaice}

下晝就開始我地既暴走倫敦遊喇!
黎到Westminster Station,
一出黎已經係地標大笨鐘喇!

不過我地先向反方向行

經過首相府唐寧街十號

再向前行就見到Horse Guards可以同英明神武既騎兵合照

大笨鐘close up

西敏寺維修....得返個頂冇封住...

由大笨鐘旁邊條橋行過去見到London Eye

今年新開既Shrek's Adventure, 不過裏面好似啱小朋友玩多D...所以我地冇入去

淨係去shop行個圈

經過London Eye後, 我以為就到左千禧橋...

因為沿住千禧橋行過對面就係St. Paul大教堂...

點知...行行下唔對路喎....E? 點解去左Trafalgar Square特拉法加廣場既?

原來頭先果條唔係千禧橋, 而係Julibee Bridge呀!

搞到大家行左咁多冤枉路添.....於是我地唯有搭地鐵去St. Paul站啦....

終於到左St. Paul大教堂喇!

唉...呢條先係千禧橋...

之後繼續行行行...經過Shakespeare Globe

Golden Hide

沿住河邊行呀行呀.....終於都去到Tower Bridge喇!!

千祈唔好搞錯呢條唔係叫"London Bridge"喎!!

第一次見到條橋升起

喪行之日仲未完結...我地又去返Piccadilly Circus

目標係M&M's World

見到好多香港冇既顏色, 忍唔住每隻色都買左D

黎到英國一定要食Fish & Chips啦!

呢間位於Covent Garden附近, 喺網絡上好出名, 歷史悠久既Rock & Sole Plaice

裏面似香港舊式既快餐店

有好多唔同既魚俾你揀~

我地分別叫左Cod, Rock & Lemon Sole

(插返支三粒花生旗先!!)

我覺得Cod最好味, 脆漿恰當好處, 魚身夠厚肉

而且連我唔係好食識都食到魚既鮮味...唔似急凍行貨

但薯條雖然係大大條, 但唔脆的, 好失望

至於另外兩款魚都幾好...印象中Rock係有骨既, Lemon Sole就薄身D, 但朋友話佢最重魚味喎...

炸魚配啤酒是常識吧! 

認住佢喇! 去英國一定要試下呢~

是係係追月夜, 前兩日都冇食到月餅...

今晚就同埋姐姐一齊食月餅做宵夜呢!