♥結婚6週年的一天 ~ 向沖繩出發 (Day 1)♥

2016年10月1日 (六) (晴)

{香港 > 那霸 > 牧志站酒店 > 國際通}

繼上年帶父母自遊行去台北之後

今年決定同佢地去沖繩! 今次除左要做領導, 導遊之外...

仲要做埋兼職司機... 所以真係有D緊張...

中午機都唔錯, 唔駛咁早起身, 去到又唔會太晏

今次既行程單張

當然唔少得旅行必備既天書啦!

香港航空飛機餐...餐肉包...好耐冇食過喇!

見到咁清澈既海水, 就知道到左沖繩啦!

一落機就去攞左叠資料...為既就係裏面既coupon
點知我放左喺個喼度就冇攞過出黎... (返到酒店太攰)
白白浪費左呢~


跟住由國際線行去國內線搭單軌列車
我知而家有免費shuttle由國際線來回國內線既...
但指示唔係好清楚 (或者我搵唔到啦)
大家都話咁近, 行過去就得喎...

只買單程票就得

單軌列車兩頭都有玻璃望到風景

到左牧志站酒店check in, 由牧志站行去酒店只需3分鐘左右, 好方便!

裏面已經有萬聖節佈置喇~

雖然酒店有D舊, 房間又細

不過竟然有Blue Seal既雪糕券 (每人一杯), 喺Lobby自己畢

放低行李就出去行國際通喇...

全條街都係for遊客既手信店居多

喺香港同九州既Calbee都大排長龍...呢間竟然唔駛排喎

買左芝士味

海苔薯角....兩款都係新鮮即製, 好好味!

平和通有DD特式小店

坐低唞唞飲返杯先...

想喺沖繩買泡盛呢間就啱晒喇! 夠晒多選擇

自己種BB菠蘿好得意呀! 可惜唔可以帶入境啦~

夜晚黎左朋友介紹既呢間食鐵板鐵

佢唔同一般日式鐵板燒...唔知係咪沖繩多外國人 (美軍?)

所以連鐵板燒都加入西方文化... 由外藉人士主理

呢D特色cocktail飲完會送返呢隻杯俾你留念

我地叫左龍蝦牛扒餐

我叫左菠蘿味白酒, 又幾好味喎..

頭盤係紫薯同鴨胸

prawn cocktail, 賣相好靚

咖喱濃湯真係飲唔慣...

媽媽貪得意叫埋呢杯

咖喱味既湯...真係....

大大塊牛扒...廚師仲會表演拋樽添~

海膽醬龍蝦好好味!!

呢個係蒜香火山燒飯... 喺鐵板上炒時會著火, 不過快得滯影唔切...哈哈

頭先飲既咖喱濃湯原來喺呢個大湯煲煮成...好似卡通片巫師用既煲呀!

酒店另一個驚喜就係有Autumn Beer Festa

每晚10點半至12點都可以喺Lobby任飲啤酒

啱晒係酒鬼既爸媽!

宵夜有紅芋豆腐...仲以為係甜品...原來係醬油味... 怪怪的...