♥結婚6週年 之 沖繩嘆世界 (Day 4)♥

2016年10月4日 (二) (多雲, 間中有雨)

{琉球之牛 > 玉泉洞 > 沖繩文化王國 > Outlet > 國際通屋台村 > 暖暮拉麵}

一早起身, 第一件事梗係要出露台望下天氣啦~
颱風過後天氣稍為好轉

呢日就要試下日式既放題早餐喇~

日式既早餐碟係一格格, 好似定食咁...

都算多傳統既日式食物選擇, 亦有少部份洋食既...

食完早餐就喺酒店週圍行下...

有個朝巿

主要係賣下D蔬菜農作物...

又有土產店

駛唔駛咁應景先?? 見到人著住會想打佢架喎!!

酒店都有個小教堂可以俾人行禮... 不過當然唔及其他酒店靚啦~

check out後, 去返前一晚食唔到既琉球之牛食lunch

呢間餐廳就喺酒店五分鐘車程, 好近....

所以其實我地10點食完早餐, 11點check out後又再食過...哈哈!

餐廳要除鞋入座, 不過唔駛曲腳坐, 唔怕腳痺

午餐set超抵食!! 我地叫左兩個set再加散叫

有韓式前菜

個set既牛一D都唔輸蝕...四款都好好味!! 值得推介!!!

餐廳都好full下...我地早到, 所以有位...

但呢間餐廳只接受lunch 時段book位, 晚餐就要早D去walk in喇~

食完午餐就去沖繩文化王國 x 玉泉洞

我地兩邊都去晒~

先入玉泉洞

估唔到裏面係好大既鐘乳洞

慢慢行都要行40分鐘呢~

好似拍武俠片咁...

加上燈光效果都幾靚

行完玉泉洞一出就直接去到文化王國

先經過熱帶水果園

陶器工房

每個工房都設有體驗班, 可以親身去試造呢~

見到有石垣牛串...又心思思叫返串

好失望...冇特別

仲有玻璃製作

原本都有少少想做返個玻璃杯既... 不過做好要等幾日, 如果郵寄返香港都幾貴...

所以都係放棄了...

仲有染布

造紙

畫風獅爺...如果有時間的話, 喺度慢慢玩, 真係可以玩一日架...

(當然要逐樣俾錢啦!)

所以最後我地只係試穿琉球服影相 (對...我又玩cosplay) 哈哈!

500円影幾張相...幾抵玩丫!

仲有個流流地既造酒所

原來日本人都興飲蛇酒架喎!

就算畫晒卡通咁...我都唔會對佢有好感囉...

最後睇左一陣傳統舞表演就去Outlet行喇...

不過呢~ 係冇乜收穫既...

夜晚去左國際通屋台村

呢個係上年新開既

叫得屋台, 即係每間食肆都係細細間

好似屋台咁...餐廳裏面唔會有好多選擇既

隨意揀左間入去

梅酒好味

呢間店既名物係溶岩燒

魚餅蝦餅唔錯

其實係將食物放喺"溶岩板"上...有D似港式鐵板咁既效果

牛舌有D韌

雞就唔錯

第一間就只係食左咁多....

當然唔夠喉啦...

所以轉場去左第二間食壽司

有藍色啤酒

我地係比呢個魚子丼吸引左...

師傅會叫一聲OSA, 我地又接住叫一聲OSA, 佢就一邊"畢"魚子落黎

其他食客都跟住一齊叫...好好氣氛呢~

裝到滿滿

羅甲燒都唔錯

反而壽司就普普...

去行Pokestore

百變怪變出黎既pokemon好得意~~

跟住再食過...呢間暖暮據稱全九州第一, 連去到沖繩都要試下

超多人排隊...足足排左差唔多成個鐘...

可能排得太耐既關係...

再好食都唔覺得需要排咁耐囉...

都係返酒店最後一啤!

仲有個好好味既雪糕批呢~