♥2016 Oh My Christmas!! (Day 11)♥

22 December 2016 (四) (晴)

{新。舊天鵝堡 > 紐倫堡}

富森呢間Hotel Sonne既早餐都算唔錯!

搭lift時見到原來旅客可以問酒店借呢張Fussen Card (交低5歐羅按金)

就可以免費搭巴士喇~ (職員又冇提, 好彩俾我見到...呵呵! 慳返幾十蚊架~)

跟住我地就行去火車站前既巴士站

準備搭巴士去新天鵝堡喇!

話咁快就到左喇...

一早上網book定入場券...如果唔係有排排呢~ (特別係夏天, 聽聞要排成個鐘啊)

攞左飛仲有時間, 去左湖邊行下...

訂飛時冇講明究竟係睇邊個堡先, 幾點至幾點架...只係book左10:30am開始

攞飛時就要留意自己入場時間同tour number喇!

舊天鵝堡...土黃色... 外觀一D都唔宏偉豪華...

裏面(冇得影相) 亦冇其他皇宮咁富麗堂皇...

新舊天鵝堡互相對望

睇完舊天鵝堡, 就隨即搭巴士上新天鵝堡喇...

落巴士後, 記得先去呢條橋...

好多人呀! 因為呢度就係影新天鵝堡全景既地方

登櫈!! 新天鵝堡postcard位!!

原來落左巴士都仲要行一段路先到...所以要預鬆D時間喇!

新天鵝堡果然比舊天鵝堡華麗好多!

裏面除左有宮廷既氣派, 仲有一D特別既設計, 天鵝擺設, 全部都係為左迎合二世既喜好!

落山想試下搭馬車, 一架車馬前面除左車伕之外, 仲有兩個乘客位

後面就有兩排大約八人既座位

因為我想坐前面車伕位, 所以專登等下一班"車"

點知個車伕見到我地排第一, 不但冇叫我地上車先, 仲叫左排後面既一家四口中既其中一個小朋友坐上前排, 然後仲將條馬繩掛上(欄住左前排座位)

呢個時候, 我以為唔通前排係有重量限制?? 所以叫個小朋友坐上去? 

喺無奈之下, 我唯有坐喺後排車廂裏面...

點知車廂坐滿人, 有個日本遊客指指前排坐位示意想坐, 佢竟然俾佢坐上

果刻我真係嬲到爆!!!!! 我排左咁耐隊, 專登等下一架車都係想坐前排,

原來根本冇咩重量限制... 唉, 衰在自己又冇爭取...就係咁成為全個行程既污點...

仲係嬲嬲豬梗...求其食隻熱狗做lunch

跟住就要搭火車去紐倫堡lu...

酒店就喺火車站既隧道口一出就見到, 好方便!

紐倫堡不愧為聖誕之城 (我作既)

除左有最古老既聖誕巿集之外...

其餘大大小小既聖誕巿集多達8個...

所以放低行李後就即刻出去行喇!!

我最鍾意既肥嘟嘟聖誕老人

百看不厭既聖誕裝飾

唔少得既mulled wine...我仲帶左呢隻杯返屋企呢!

呢晚好特別, 選擇左食印度菜... (可能太耐冇食飯...好掛住D亞洲菜)

咖喱真係好好味! 係我食過最好食呢~

返到酒店

發現驚喜! 有生日蛋糕啊!