♥2016 Oh My Christmas!! (Day 13~14)♥

24 December 2016 ⛅

{紐倫堡 > 法蘭克福}

黎到行程既尾聲喇! 呢日既早餐都好有聖誕氣氛呢~

因為呢日就係平安夜喇!

朝早再行多轉巿集...

天陰陰...連個天都唔捨得我走...

紐倫堡全景

呢杯雞蛋酒滑得黎又重酒味, 幾得意

鏡頭一轉, 下晝就到左法蘭克福喇!

因為第二日一早就要喺法蘭克福返香港, 所以迫於無奈要喺呢度留一晚...

其實對呢個似中環多過似德國既大城巿真係麻麻地呢~

最後一晚住呢度

生日對自己好DD

又見返高樓大廈...商業中心喇...

求其搵左間食lunch...呢個risotto, 唔講以為食梗糊仔

Burger好味好多

羅馬人廣場

好大棵聖誕樹呀!

原來德國人鍾意喺平安夜出黎野餐既...但唔係喺大草地, 而係街上任何一個角落

好似 ↓ 就係橋上面

法蘭克福真係冇咩好行 (加上平安夜度度都closed)

天未黑齊, 羅馬人廣場已經聚集左好多人群喇...相信係一齊倒數呢!

喺最後一個站都要嘆返杯熱紅酒

剛好係香港時間踏入聖誕節喇!

Happy Birthday to me!

行到有D攰, 但都仲未夠鐘食飯...唯有返酒店唞一唞...放低我既重裝相機...

(呢度係酒店房既露台景)

黎之前梗係要好好搵下我既生日飯去邊度食啦! (正日其實喺飛機上)

搵左好幾間都係平安夜唔開...

好彩最後都book到...

隔離枱仲有個特別既食客, 佢好乖乖咁坐喺度, 又冇吠, 又冇週圍走

但主人可能驚佢瞓得太過阻住人, 就大力扯返佢返黎...

雖然主人帶埋佢黎食大餐 (但佢又冇份食, 冇得郁...可能仲慘過留喺屋企呢~)

最後酒店好好, 俾左兜水佢飲

頭盤有三文魚

第一次食鹿肉, D肉好嫩, 又唔羶, 有D似牛仔肉

25 December 2016 ☀

{法蘭克福 > 回港}

食完早餐就要出發去機場喇!

喺機場食左個難吃午餐

超難吃

開始我既空中生日環遊半個世界之旅... 第一次生日搭飛機

除左地勤先生同我講左兩次生日快樂之外...係唔會有Upgrade架... (架機都好full呢)

半夜竟然有驚喜

多謝老公安排既生日蛋糕

終於完成呢隻慢煮油雞... 再會!