其實真正認識Marcaroon, 我諗係籌備婚禮時, 喺小藍個blog見到佢DIY既結婚蛋糕同cupcake, 上面有色彩繽紛既Macaroon, 雖然我之前都見過呢樣東東, 但就未試過咩味道... 直至我決定將可愛既Macaroon放喺我既candy corner上, 於是我就去買左塊手掌咁大既黎試試... 一試就愛上了!! 當然亦要多謝小藍為我婚禮上所準備既Macaroon啦~ (等我容後再詳談啦...) 而家每次見到Macaroon, 都會諗起自己既婚禮, 都會有種幸福感覺!!
貓小玲誕果日, 我瞓到中午先肯起身, 但第一件事唔係去街街, 食lunch, 而係彈起身整Macaroon... 好想喺假期裏面嘗試自己動動手整Macaroon...
第一盤, 因為唔識控制吱咀, 吱到成塊面咁大....
我用150度火, 焗6分鐘... 做唔到靚靚裙邊...但表面都係滑滑的.... 算係成功左一半啦!!
但第二盤, 嘗試用170度火, 做唔到裙邊不特止....表面仲裂開添.... 失敗!!
雖然其貎不揚, 但味道係好香既杏仁味... 好Good架!! 我知道做Macaroon要做得好唔係咁容易, 所以我會繼續努力嘗試架!!!
雖然嘗試失敗, 但好彩有哈米波波送既Macaroon... 味道同個心一樣咁甜呢~
哇原來是小藍幫你做的！我都好愛吃 macaroon 啊，上堂學了不過一直懶無喺屋企試做。再接再勵呀！：）
回覆刪除[版主回覆12/30/2010 10:06:00]係呀~ 小藍整既macaroon真係又靚又好味!!! 我都要再接再厲, 做到成功為止!!
係咪俾佢玩死呢…^^" 最慘係…今次成功, 又唔保證下次會成功…仲要有千奇百怪既狀況…
回覆刪除加油呀~~!
你老公今次O係邊度買架~
[版主回覆12/30/2010 10:20:00]係啦...我以為唔夠熱, 所以做唔到裙邊...但教大d又會裂面....所以覺得你好勁呀!! 每次都整得咁有水準...
佢喺吉之島買架! 不過今次就見唔到拳頭咁大果個lu...
嘩... 勁AR..你咁快又跳級去咗玩第二樣嘢LA
回覆刪除[版主回覆12/30/2010 10:48:00]因為整得cupcake多食唔晒嘛... (已經送晒俾d親朋好友喇~) 不過呢樣真係唔易整... 下次試下整曲奇先...哈哈!!
吉之島都有架?
回覆刪除你有冇風乾個面?未乾或者太乾都唔得架
[版主回覆12/30/2010 11:05:00]係呀, 太古城吉吉島超市內既其中一個counter
有呀...放左大約15分鐘... 唔太黏, 又未至於全乾架...
放到唔黏手, 係咪放焗爐底層?
回覆刪除[版主回覆12/30/2010 11:37:00]係呀...放喺焗爐底層架! 要唔黏手呀... 唔通我放得未夠...
咁照計應該係爆而唔係冇裙呀, 奇怪, 我好耐冇試過冇裙, 雖然仲有其他各種問題XD
回覆刪除[版主回覆12/30/2010 12:29:00] 都唔知係咩問題添~
另外你個漿係咪稀左少少?好似瀉左少少, 可以蛋白打杰少少或者最後唔好攪太耐試下^^
回覆刪除[版主回覆12/30/2010 12:54:00]係呀...真係有瀉呀!! 原來真係有少少偏差都唔得架....Thank you!!!!
其實瀉都應該會有裙邊, 不過就唔夠圓
回覆刪除[版主回覆12/30/2010 14:25:00]我見有食譜寫無裙邊可能溫度太低, 於是就調高d囉... 下次試下160度先... 其實macaroon焗前同焗後size分別係咪都唔大架? 只係有冇升起?
係呀
回覆刪除你可以試下買個爐溫計
150度照計唔會太低
[版主回覆12/30/2010 14:49:00]係囉... 我搵左幾個食譜, 第一次就係跟你個溫度, 第二次就跟第二個... 我見有d人用140度添呀~ 真係個個爐唔同, 要自己試先得!
好犀利呀～～～ 自己整～～ 我覺得好靚 wor~~
回覆刪除[版主回覆12/31/2010 14:33:00]其實材料同步驟都好簡單, 不過要做得好既技巧就需要自己揣摩同研究喇~
呢款小甜點, 真係幾蝦人整架. 我都失敗過'N'次
回覆刪除[版主回覆12/31/2010 21:02:00]係呀...步驟就好簡單, 但要成功真係唔容易呢~ 咁你成功未呀? 一齊繼續努力啦~
好勁, 自己整 ^^
回覆刪除[版主回覆01/01/2011 21:10:00]尚未成功架...要繼續努力呢~