唔知點解我硬係對做中菜有D雞手鴨腳... 做左人地太太幾個月, 差唔多每次話煮飯, 我只會諗起整意粉, 焗雞扒... 至於中菜就留返俾哈米波波負責啦~ 
早幾日要為我新買既手提式攪拌器開齋... 所以由我主理!
我平時都鐘意買少少花返屋企點綴下架~
第一次煮... 好好味既忌廉蘑菇湯... 下次可以再杰少少
意大利黑醋沙律
簡易洋葱豬扒
食晒主菜先焗完既新薯
呢個就係我新買既手提式攪拌器囉... 集攪拌, 打蛋, 碎肉三合一, 好方便! 又易清洗~ 可以直接放落個煲度攪, 洗少樣野... 最重要係我屋仔細細, 冇位再容納一個大既攪拌器喇~ 呢個容易收藏, 簡直Very Good!!
忌廉磨菇湯 (二人份量)
材料:
白磨菇 8粒
啡磨菇 8粒
洋葱 半個
蒜頭 1瓣
清水 200ml
清雞湯 300ml
牛奶 50ml
淡忌廉 40ml
牛油 少許
鹽 少許
黑椒 少許
白酒 2茶匙 (不過我冇落)
做法:
1. 將磨菇, 洋葱, 蒜頭切粒備用
2. 用牛油爆香洋葱和蒜頭, 再加入磨菇粒炒至軟身
3. 加入雞湯和水, 慢火煮15分鐘
4. 加入淡忌廉, 牛奶和白酒, 煮至微滾
5. 待湯放至微涼後, 用攪拌器打20秒 (小心攪拌時會令湯濺出, 最好用煲蓋遮擋, 若用傳統攪拌機就不需理會, 直接將湯倒入攪拌機成蓉)
6. 可翻熱後, 加入鹽, 黑椒調味即成!
碎肉都得? 我上次用 hand blender 記得一唔小心啲 liquid 會飛到周圍係... 之後就好少用啦. 我見到有個 cooking programme 教整湯, 將啲料/liquid 放入一個 jug 內... 咁就無咁易整到周圍係.
回覆刪除[版主回覆03/08/2011 10:00:00]係呀, 佢有三個配件 (一個打蛋, 一個小刀片, 一個大刀片) 同兩個容器, 一個係高身jug, 可以整smoothies/milk shake, 一個就濶身d就碎肉/果仁既....
其實都會飛出黎架, 不過我買左塊膠板中間有個窿, 可以套住支攪拌器, 專係for 打蛋攪拌唔會飛到週圍係架!
賣相好靚阿
回覆刪除[版主回覆03/08/2011 09:50:00]哈哈...我都係向你學習中架咋~
我上次都無整 忌廉蘑菇湯, 但唔夠滑, 下之再做好d 先得
回覆刪除[版主回覆03/08/2011 14:14:00]我煲煲下發覺好似得返好少水, 於是又加左d水, 變左稀左少少, 不過都ok!
wowowwo!! 睇相好attractive呢!!
回覆刪除[版主回覆03/08/2011 23:28:00]哈哈~ 你都試下整丫!
有眼光...啲花好靚呀！
回覆刪除[版主回覆03/29/2011 16:15:00]我都好鐘意呢隻花呀! 無論紫色, 黃色定粉紅色都一樣咁靚!
呢種花叫麝香，啲香味好勁，不過顏色好靚。尋在在花墟買了兩支都係十蚊...好抵玩啊！
回覆刪除[版主回覆03/29/2011 16:47:00]花墟買平好多喎....我喺街市買, 要9蚊一枝呀!!
hehe..thanks thanks. I try to search them tonight. btw, how much is the 膠板? (^__^)
回覆刪除[版主回覆04/14/2011 14:35:00]just $25 ja~
我反而唔識整西餐呀.....有機會試試先!!!!
回覆刪除賣相好吸引呢....
[版主回覆04/28/2011 23:56:00]試下丫, 簡單又好味! 我噚晚又煲過呢個湯呀!