甜品週

 

終於都upgrade左喇! 過程比我想像中順利~ 暫時用落都OK啦!

今個星期有個好姊妹生日, 我就膽粗粗整個生日蛋糕俾佢...原本想整芒果味芝士蛋糕... 點知可能呢排D芒果唔靚啦... 買6個有4個都好似檸檬咁酸... 所以最後只係用左兩個正常既黎做餡, 而蛋糕就用左豆漿味, 好彩整出黎都冇失禮! 個個都好鍾意呢~ 真係開心喇! (其實事前已經叫哈米波波做左我既白老鼠架喇...哈哈!!)

 

最後果4個勁酸芒果就叫哈米波波用黎做左芒果布甸... (做左布甸後就可以食到, 唔覺好酸喇...)



早排我喺團購買左半價join Cake1Cake學整蛋糕... 於是今日就去學整馬卡龍, 雖然之前自己都試過, 但做唔到裙邊, 所以都係出去學下啦~ well...最後製成品竟然變左雞蛋仔咁既色既... Miss話因為淺色焗完後會有D黃, 而且用家用焗爐焗, 火力冇咁平均所以係正常喎....但我就覺得係我個盤遲左出爐囉... (個爐係由Miss一人負責睇火, 其他都係整淺粉紅色既同學都冇咁啡架嘛... )



不過都算做到裙邊... 等我再喺屋企嘗試過啦~


之前去petite Amanda, 知道LC專為佢做左個ramekin... 不過第一個出既係深藍色...當時都冇乜衝動去買... 點知早幾日俾我知道佢出左個新既玫瑰紅ramekin, 今次仲要連埋蓋, 於是放工即刻飛奔去買喇...哈哈!! 好靚靚呀!! 裏面係Greek yogurt+古古力脆脆... 味道唔錯...但我都係志在買個ramekin多D...哈哈~