旅途伴侶與習慣

最近有人問我, 我同表姐年齡都有一段距離, 點解可以咁夾, 一齊玩, 一齊去旅行架呢?

我相信最大原因係大家對旅行/飲食既喜好都大致相同, 我地大家都係鍾意睇當地風土人情多過shopping既人, 鍾意試當地菜式多過食唐餐, 對錢銀應洗則洗, 唔係奢侈亦唔會話慳住慳住...就係因為咁..我地 唔需要刻意遷就, 所以喺旅途中相處愉快啦~!

所謂相見好同住難, 去旅行都一樣, 如果大家價值觀同喜好唔同, 就好易有分歧呢~

所以我地已經約好了五年後 - 一個大家都有特別意思既年份, 一齊再去個大旅行!! 期待期待!!

拉開左話題添...其實我係想回應{珍妮花}同其他Blog友既旅行習慣問題架!

1) 喜歡有既定的行程，還是真的「自由」行？

我喜歡出發前plan定行程, 想去邊d景點, 搭咩車咁...特別係如果同其他人一齊去時, 如果乜都到時至算, 我怕大家會企喺條街度唔知做乜囉... 以前既我都鍾意旅行時用盡每一刻, 但哈米波波就鍾意hea, 唔鍾意趕行程...而家我都變得同佢一樣, 放慢腳步, 好好享受下~

2) 出發前會做budget嗎？

唔會...機票酒店都已經心中有數, 我通常都會以每位早餐HK$100, 午餐HK$150, 晚餐 HK$350黎計我要唱幾多錢...如果去到真係要買貴野就會碌卡... 通常都會有錢剩的

3) 會帶多少衫呢？

預一日一件衫, 盡可能都唔想洗衫

4) 會帶香港的食品過去嗎？

唔會帶. 我地係寧願唔買野都唔會慳住"食" 

5) 會帶多少對鞋呢？

通常一對去街鞋 (冬天著boots/夏天涼鞋/平底鞋), 一對波鞋, 一對拖鞋

6) 睡覺會開燈嗎？

唔會, 最多係開廁所燈掩門

7) 會玩得天昏地暗、睡得日上三竿嗎？

都唔會囉... 我地平時好少夜生活呢...特別係哈米波波, 係唔可以捱通宵架~ 但早餐就一定要食, 如非要早出發, 通常會9點半食早餐啦! 仲要預返d時間食完早餐後去廁所先出發...哈哈!

8) 會換銀包嗎？

唔會...其實我覺得喺香港都有機會俾人偷野, 只要萬事小心就得...

9) 會帶飾物嗎？

會, 除左會帶返平時帶開既耳環, 戒子之外... 通常都會帶多幾對豬二盛耳環襯下衫

10) 會帶甚麼類型的底底呢？舊的？新的？紙的即棄？還是綿的即棄？

平時著開果d... 今次去澳洲諗住帶少幾套到時洗... 但原來有時返到酒店已經好攰, 又或者未有咁快乾透...真係好煩呢.... 都係果句, 最好帶夠咁多套, 唔駛我洗啦...哈哈!

唔知有冇人既習慣又同我相同呢?