又到每月既1號喇! 喺香港又怕熱, 實在係唔知去邊好... 都係去做返我最愛既高茶活動啦! 今日黎試新野, 就係位於紅磡站對面既Hotel Icon, afternoon tea由3:00pm - 5:30pm, 我地2:40pm黎到, 已經有好多人排梗隊喇! 好彩啱啱好有位坐...
呢度樓底好高, 自然光充足, 但景觀就冇架喇... 食物就偏向多甜品...所以都幾膩呢~ 味道都唔錯!
食完tea, 行左一輪消化下... 夜晚就去左北京道一號既小南國食飯... 呢度望到維港靚景, 坐得幾舒服!
最欣賞佢地每樣食物同茶都會用爉燭保溫, 好貼心呢!
醉雞好味!
海鮮酸辣湯
砂窩雲吞雞, 好重燉湯味
安格斯牛柳炒明蝦球... 蝦球好爽口, 牛柳都OK, 由於有爉燭熱住, 食到最後一舊都仲係熱辣辣, 真係十個讚!
小籠包漏左單, 要追左兩次先有...
桂花陳皮燉雪梨, 我最鍾意佢呢套碗碟, 隻碟好似一攤水咁, 好得意!
每個月1號都去慶祝嗎
回覆刪除[版主回覆05/02/2012 09:42:44]又唔算真係咩慶祝既... hehe...會一齊諗下食d乜同互相講句xx個月快樂囉!
d相影得好令呀！
回覆刪除[版主回覆05/02/2012 10:46:08]多謝呀Doren!!
好多野食喎, 幾錢呀? HEHE. 我尋日同你一様HIGH TEA.. 不過飽到連晚飯都無食到.
回覆刪除[Little Ting Ting回覆05/02/2012 14:14:01]呢個price 都ok喎,我去咗mandarin到食
[版主回覆05/02/2012 12:23:30]HK$388 + 10% for 2, 其實個3-tier stand好mini架咋...不過都幾飽...
你地去左邊度食呀?
呢間小南國又幾好喎...VIEW又靚...食物又算用心!!!Happy 19th month ar///
回覆刪除[版主回覆05/04/2012 23:46:26]多謝菲! 係呀! 不過就比其他分店貴D囉~
個陳皮燉雪梨賣相同迪士尼酒店的一模一樣啊! 好吃嗎?
回覆刪除[版主回覆05/07/2012 14:30:26]好味呀~ 好清潤呢!