各位哥哥姐姐你地好呀! 我叫哈碌呀! 我係英國短毛藍虎紋囝囝... 最鍾意人讚我靚仔架喇...你話我係咪好靚仔先? 呵呵!! 我將會經常黎呢樹踩場架喵!!
初到貴境, 有d怕醜仔添... 搵個窿喱埋先...
哈碌王子: 呢隻乜黎架? 個樣咁傻既?!
聾貓: 我以前成日俾人叫細粒臣, 而家終於有個bb仔細粒過我喇~ 哇哈哈哈!! 我係負責監督住你既!!
我既第一件玩具, 就係呢隻老鼠仔喇! 我好鍾意同佢玩架!
第二朝... 咦! 冇人喺廳喎...等我出去探下險先!!
嘩!! 你係邊位呀? 我...我....我唔驚你架... 唔好行埋黎呀!! 我會"呼"你架!!
都係快d閃先!!
開飯喇!! 我個食物兜兜係咪好靚先? 後面淺藍色格仔果個係水兜黎架~
第一次用呢個大廁所...好寛敞啊!!
Play Time~ 最鍾意同呢隻蠢老鼠玩架喇...哈哈!!
再俾多幾張靚仔沙龍過你地睇啦~
點解只係影左呢隻既? 長毛個隻呢?
回覆刪除[版主回覆06/12/2012 12:11:14]喺油塘一個自家繁殖既人買既...比起之前果兩隻貴呀, 不過呢個breeder都好有心機, 又教我點睇d英國短毛貓先係靚, 又包佢打一支針, check晒冇蚤, 冇蟲先... 所以好似安心d既
[Angel回覆06/12/2012 11:57:12]但呢隻都好可愛呀! 係邊度買? 貴唔貴?
[版主回覆06/12/2012 11:49:41]果兩隻姊妹喺我落左訂之後冇幾耐, 寵物店話佢d貓貓突然病左...要退返訂俾我地喇...嗚嗚嗚...於是而家去左個breeder度買囉... 我地想養多隻架, 但另一隻未有得睇住... 希望多隻貓貓一齊玩, 佢會冇咁悶啦~
好得意呀^_^我以前都養過貓架
回覆刪除[版主回覆06/12/2012 11:50:10]我都係細細個開始養貓, 所以好鍾意貓貓呢~
靚仔靚仔靚仔靚仔靚仔～～～
回覆刪除[版主回覆06/12/2012 11:51:01]哈碌王子: 多謝小蟲姐姐~! 咁你多d黎探下我喇喵~
原來你出咗幾個post...但我明明有關注都唔知既???
回覆刪除哈破好得意呀!!!!!!!!佢個身形超可愛呀!!!
佢瞓覺個樣好enjoy咁喎!!!同埋佢真係好醒目,識得影相望鏡得...我個兩隻,左閃右避,都唔係成日影到~
佢係鏡望到自己,真係起晒"鋼"咁喎...佢想同自己打過!!!?
你個食物兜同我係同一牌子,不過我個時得淨色..有圖案好靚呀^^
哈碌王子真係好靚仔...要多D幫佢影寫真呀!!!!
[版主回覆06/12/2012 14:56:09]我有時都唔知關注左既blogger出post架... 所以好多時都會miss左囉
佢而家仲係細細粒, 不過已經有個肚腩仔喇... 喺屋企走黎走去成隻老鼠仔咁, 好搞笑!
佢好鍾意照鏡架, 需要而家見到自己已經唔會起鋼, 但每次經過都實要望下, 有時又企起身, 又側身咁照, 好似擺pose咁...好似好貪靚咁...哈哈
我搵左好耐先搵到呢個啱心水既食物兜咋, 呢個係大size, 所以有圖案囉, 細就得淨色
係呀, 佢大得好快, 要同佢影多d相至得! 噚晚佢望住張sofa想跳上去, 又跳唔到, 對住我地好可惜咁喵喵喵, 要我地抱佢上去... 過一陣佢試下自己跳, 已經可以跳到上去喇...真係好快就會週圍搞搞震架喇!
好得意呀!!
回覆刪除[版主回覆06/12/2012 15:02:27]哈碌王子: 係咪抵獎多兩粒貓餅先?! 喵~
好的意, 好可愛呀~~
回覆刪除[版主回覆06/13/2012 10:10:02]我都好掛住佢呀!
貓紋好靚呀~由其係面上的毛色好令!!佢好似好C文呀
回覆刪除[版主回覆06/13/2012 10:09:23]初初返黎咪好斯文囉...而家熟左就玩到癲呀! 不過喵親都係陰聲細氣咁
so cute! enjoy the 'kitten stage'.. cats grow faster than you expected!!!
回覆刪除[林澄回覆06/13/2012 12:16:18]係呀，唔似樣；一個似爸爸，一個似媽媽。哈哈。好掛住佢地（我仍在法國）
[版主回覆06/13/2012 12:13:40] 原來係兄弟黎架...好似唔多似樣喎...哈哈!! 我以為你養左一隻, 怕佢悶先之再養多隻添~ 咁兄弟一定仲friend啦!
[林澄回覆06/13/2012 12:09:06]my cats are brothers, they are the same age and come to my home at the same time.....
[版主回覆06/13/2012 12:02:29]係呀...前日都仲未跳到上我地張床, 噚晚已經識跳上黎搞搞震喇...好得意! 你果陣隻貓貓幾大先養埋第二隻架?
真係好可愛呀!
回覆刪除[版主回覆06/13/2012 17:04:16]哈碌王子: 有冇koey姐姐咁可愛先?!
靚仔靚仔
回覆刪除[版主回覆06/14/2012 10:11:39]哈碌王子: 請多多指教!
又真係幾靚仔喎~~~哈碌個樣有d迷惘...不過依然可愛!!
回覆刪除[版主回覆06/14/2012 10:08:20]哈碌王子: 多謝菲菲姐姐! 因為d相係頭兩日影, 仲係有d陌生, 而家我已經成隻電兔咁走黎走去喇喵~
好可愛呀! 佢係咪仲會再變大隻啲ga?
回覆刪除[版主回覆06/14/2012 15:35:08]係呀, 佢而家只係兩個幾月架咋...
我的貓貓都係用這款貓廁所, 不過佢地依家好大隻, 去廁所時會伸左個頭出來~~你的小貓咪, 真係好可愛~~ 貓BB最貪玩~~
回覆刪除[版主回覆06/18/2012 10:24:24]多謝呀! 佢真係又八卦, 又貪玩, 好得意!
he is so cute!!
回覆刪除[版主回覆06/18/2012 16:25:11]BB貓最得意~ 成日都古靈精怪, 又多哈碌野...哈哈!
好可愛
回覆刪除[版主回覆06/19/2012 10:30:56]見到佢紮紮跳, 又成日發出咕嚕咕嚕既開心聲音, 我都好開心呢
好靚仔好可愛呀! 如果佢唔會大就好啦...
回覆刪除[版主回覆06/20/2012 11:44:05]細個有細個時得意...但我都好想佢快d變隻大肥貓俾我攬呀!
OMG!!! hoooo cute!!
回覆刪除[版主回覆08/18/2012 23:39:43]Hello! 好耐冇見你update喇! 哈碌而家已經差唔多五個月, 大隻左好多lu...已經唔再係BB樣喇! 哈哈!!