反而因為難得去到大角咀, 於是提議食完飯去附近既Black n White食甜品, 代替生日蛋糕啦!
呢間Black n White近排都好hit, 老闆曾任職文華東方, 最拿手係古古力甜品
cut cake都以古古力為主, 仲有主家製雪糕呢~
好~ 等我地黎表演下七個女仔叫左九款甜品既奇景啦! (記住之前打邊爐都食左好多好多野)
第一款係frozen yogurt, 配雜莓果醬, 酸酸甜甜打頭陣, 好開胃!
以為穩陣既芝士餅... 點知...係咁多個裏面最唔受歡迎, 面層似係炒過既玉桂古古力曲奇碎, 本身我唔抗拒玉桂味, 但佢好似炒燶左咁...仲有朋友話似"香燭"味添... 而下層既之士同平時食開既唔同, 似羊奶芝士味, 好奇怪...
第一款係frozen yogurt, 配雜莓果醬, 酸酸甜甜打頭陣, 好開胃!
以為穩陣既芝士餅... 點知...係咁多個裏面最唔受歡迎, 面層似係炒過既玉桂古古力曲奇碎, 本身我唔抗拒玉桂味, 但佢好似炒燶左咁...仲有朋友話似"香燭"味添... 而下層既之士同平時食開既唔同, 似羊奶芝士味, 好奇怪...
好濃既抺茶味, 焦糖燉蛋都唔錯, 不過唔係好食到熱情果味... 可能我食得好少...
近期鍾意既伯爵茶, 慕絲好幼滑, 唔錯唔錯!
柚子雪芭幾時都係咁清新好味, 下層亦好濃味既黑芝蔴燉蛋, 兩者都好食, 但夾埋一係好似唔係好夾 (如果要喺果度訂古古力生日牌的話, 5個字要32蚊, 8個字要50蚊, 我地呢D師奶仔梗係覺得唔抵啦, 所以自己帶左個美心生日牌
, 蠟燭就喺店買2蚊支)
呢款甜品係我第二最愛, 檸檬撻酸酸地, 唔覺膩, 仲有士多啤梨熱湯倒埋一齊食, 幾特別!
初初以為呢款係普通既tiramisu, 原本想out左佢架喇... 不過有姊妹想食就試下啦, 先黎左杯expresso 沙冰清清個口, 再食呢個, 一筆筆到底, 面層古古力味超濃超滑, 下層既芝士都好好味...喜歡食古古力的話就要試喇!
古古力蛋糕夾芒果蓉夾心就冇乜驚喜, 香芒青檸葉雪芭又驚喜得滯, 好似食梗冬陰公D香草味... 個人就麻麻地接受喇...
九款甜品中最愛係呢個... 單睇賣相一個圓形波波已經夠晒特別啦!
原來裏面好多層次... 又唔會太甜, 好好味!!
用渣打卡簽帳, 仲送呢個心形古古力脆脆添~
呢晚真係令我諗起那些年... 一齊瘋狂地食, 大吃大喝, 大講大笑... 姊妹情係永遠唔會變既, 真係好開心!!
今次係全女班, 哈米波波冇份...不過我都外賣左一件dark chocolate truffle俾佢, 都好好味呢~!
續個字計，乜咁小家架*,*。
回覆刪除甜品賣相真係唔錯呀，一班女人吹水最開心啦
[版主回覆11/12/2012 14:41:49]係啦~ 都係塊古古力牌啫... 所以覺得好唔抵
可能全場最嘈係我地呀~ 哈哈!
妳攞番美心生日牌，夠環保，讚
回覆刪除我都鐘意black & white，不過我覺得佢貴呢
[版主回覆11/12/2012 21:59:52]Black n White D甜品幾特別, 出面食唔到, 如果佢多D甜品揀就仲好添~
最後果個波波，同mo一個gueridon service for dessert裡用玩既野好似，我之前係mo食飯見過pastry chef出黎整，咁black & white有得食都幾好~ 我想去好耐啦...仲未去到...同埋，女人既甜品胃真係不可理喻地大容量...
回覆刪除[版主回覆11/14/2012 12:45:20]即場整? 個波波真係令人懷念... black n white既甜品唔係度度食到, 睇得出chef koo好花心思囉...
好吸引呀!!!!!!!
回覆刪除樣樣都想試吓呀!!!!
你地好醒喎!!識得帶定個美心牌去XDDDD
[版主回覆11/14/2012 15:13:32]哈哈...因為之前打去問左嘛..
啲甜品好特別, 賣相好靚呀!! 最想試吓杯乳酪先!!
回覆刪除[版主回覆11/14/2012 15:13:15]真係幾特別呀, 不過貴左D
聽過呢間呀....賣相好靚又特別呀~~
回覆刪除[版主回覆11/14/2012 22:57:21]真係幾靚架... 下次返黎有機會試下丫!
d甜品真係好靚！不過大角咀有點唔方便呢
回覆刪除[版主回覆11/15/2012 14:52:30]其實由奧運站行過去都唔算好遠呢!
好吸引,是很貴嗎?
回覆刪除[版主回覆11/20/2012 09:46:52]個frozen yogurt好似四十幾蚊, 其他就$68-$78, 張相有價錢的~
我都幾鍾意佢d甜品, 只係位置太唔就腳啦!
回覆刪除[版主回覆11/30/2012 09:59:09]真係好少去開果頭呢~