前晚食晚飯時, 無意中走入一條巷 (今次呢條係乾淨冇米奇的), 見到新開左一間拉麵店, 於是噚晚就一心去試下喇...
呢間小店細細, 只得幾張枱同一張bar枱, 拉麵種類都同近年興起既日式傳統拉麵一樣, 即只得幾款湯底, 餸菜以叉燒為主, 我要左辛辣湯底, 雖然冇叫我揀辣既程度, 但我覺得啱啱好, 麵質爽口彈牙, 叉燒肥瘦分明, 一層肥一層瘦, 入口淋而不膩, 最喜歡佢既溏心蛋同豚王一樣係醬汁溏心, 好味! 哈米波波則叫豬骨湯底(其實有幾款都好似, 唔記得個名), 佢個湯底濃而不杰, 哈米波波好怕D杰靼靼既湯底, 呢個佢都讚唔錯!
小食叫左芝士豬扒, 豬扒夾住一塊火腿同流心芝士, 即叫即整, 好味! 如果再多D芝士更好!
呢個鯛魚腹係侍應推介, 冇骨魚夠晒肥美, 醬汁都好好味! 25蚊件真係抵!!
我鐘意個塊豬扒丫
回覆刪除真羨慕妳地住元朗，有好多嘢食，我住個度就冇啖好食
[版主回覆01/29/2013 14:11:04]係呀, 搬左入黎先發現原來呢度好多唔同種類既食肆, 好多仲臥虎藏龍添~
又是元朗呀
回覆刪除我今日都會去YL行下.....不過就唔會食野lu~~~
[版主回覆01/29/2013 14:10:15]係呀, 元朗好多美食架!