朋友介紹左一間叫"爽爽麵店"既食肆 (後來醒起原來電視之前都有介紹過)
呢度主打醉雞同煎豬扒, 星期六我地就慕名而來
店舖雖小, 但原來還有另一個舖位的, 大約等左十五分鐘就有位喇!
最開心係可以指定雞既部位, 我就叫左醉雞胸+煎豬扒米粉同自製凍菊花茶!
醉雞真係好入味, 醉雞汁香而不苦, 豬扒夠淋, 但唔會有梳打粉味道... 將醉雞汁加入米粉中一齊食, 簡直冇得頂呢!!! 自製菊花茶夠晒冰凍, 又唔會太甜~ yummy yummy!!!
舖頭喺元朗站yoho town出口, 落天橋後經過一個小公園右手邊直行就到! 注意佢地既營業時間係: 11:15am - 6:45pm (唔做晚市架!!) 入開黎元朗記得去試下呢~
原來係雞地果邊,真係唔知喎~~好少行去果邊~~
回覆刪除睇嚟又真係好好美
[版主回覆08/13/2012 15:00:05]果頭有好多食肆架!
好想食佢個豬扒，搵日去試下先
回覆刪除[版主回覆08/13/2012 14:59:46]豬扒可以叫佢另上, 唔駛浸淋呢~
我知道哩間麵店好多人食, 成日經過但無去試啊~ 搵日試吓先!!
回覆刪除[版主回覆08/13/2012 14:58:50]快d去試下啦! 朋友真係冇介紹錯呢~
好吸引呀, 元朗真係好多美食, 我地前排入去搵食, 真係食到停唔到口!!
回覆刪除[版主回覆08/13/2012 17:09:17]我去過兩次, 好彩又唔駛等好耐...下次真係要試下呀!
[B の家回覆08/13/2012 17:07:10]原來我去個哩間門口, 見到要等幾耐, 先冇排隊轉去光顧一間越南野!!
哎呀，我尋日先去完元朗。
回覆刪除[版主回覆08/15/2012 09:59:17]下次有機會再去啦!
你講到好好味! 我其實覺得香港隨便吃一碗魚蛋粉都好好味...
回覆刪除[版主回覆08/15/2012 09:58:58]真係幾好味架! 我諗好快又會想去食喇!
見到果雞面好想食添！
回覆刪除我在元朗搵食咁多年，都冇留意到有間咁野！
下次要去試下！
[Dennis Kong回覆08/15/2012 16:30:53]尖沙咀分店係非常差，唔好去呀！
不過都係果句，同幾年前相比，都係差左好多！
大榮華連馬拉糕同五味雞都保持唔到水準，真係失望。十年前我在元朗返工，差唔到一星期去一兩次架！
好，等我遲啲都去試下刀削面先！
[版主回覆08/15/2012 16:06:35]金田係元朗呢間大件又好食, 試過去尖沙咀分店就麻麻地了! 大榮華加左多價呀, 質素真係差左D呢~ 你下次可以試下去大馬路(元朗廣場斜對面)有間生記刀削麵都幾好味, 我同老公都成日去食呢! 我鍾意食雞絲刀削麵, 老公鍾意蘭州牛肉刀削麵, 兩者都唔錯!
[Dennis Kong回覆08/15/2012 12:21:29]你突然間咁問我又講唔出喎……
1) 大馬路恒生後面有間小鋪食車仔面同雲吞面好正；
2) 金田Sushi；
3) 串皇等等…
勝利牛丸、大榮華果啲唔駛我講喇……不過大榮華同六、七年前相比，真係差左好多好多！
[版主回覆08/15/2012 09:57:59]咁你仲食過元朗邊間好介紹呀?
等我搵日去試下先！我可能住元朗，成日覺得無咩特別好食
回覆刪除[版主回覆08/15/2012 16:03:26]通常住果區都會食到嫌...哈哈!
乜原來有得揀雞既部位架!!!?雞胸會滑好多呀!!!
回覆刪除前兩年去食,我唔記得佢俾邊度我...仲要就係好多肉,覺得有D鞋,無上像中咁好味!
搞到我同老公無再去試喇=.="
[littlekawai回覆08/15/2012 16:05:53]可能係啦!!!
我鍾意食無咩肉,但D肉滑D既部位...所以個次覺得有D鞋~
不過我都成兩年前去lu~~呢家可能又好味左,不過唔知老公仲肯唔肯同我去試吓~~~
[版主回覆08/15/2012 16:02:18]係呀, 雞胸係鞋架...可能佢俾左雞胸你, 但我貪佢啖啖肉, 冇乜骨, 所以我鍾意食雞胸肉架!
醉雞好吸引...不過唔做晚市就比較難幫襯了!
回覆刪除[版主回覆08/20/2012 17:32:37]只可以星期六日下晝去囉~