婚後的我頭幾個月都瘋狂做甜品...直至感覺到自己肥左, 已經太遲...我足足重左十磅呀!!
試過跑步, 但冇乜恒心... 加上我又為食...年紀大左新陳代謝又慢左... 種種因素下...一直未能回婚前既磅數...
自從上年見到殷師奶的老公殷大爺減肥成功之後, 我也立定決心要挑戰一下這個<十四天減肥餐>計劃...
不過每星期也有節目, 每星期也有藉口... 終於拖到現在才實行
其實食譜唔算十分難跟, 頭一日係最唔習慣既, 因為一時間食既份量少左好多, 實會唔夠飽, 好彩我選擇星期日為我既Day 1, 肚餓唯有訓覺啦...
同埋每日三餐都要自備, lunch又要自閉仔, 冇得同同事一齊出街食有D慘啫
講講我既成績先.... 十四天減了6.2磅, 雖然唔係好驚人成績, 但總算冇白費呢~ 已經好耐冇見過自己呢個磅數喇!!
為左喺單調既食材裏面加添新鮮感, 我都搞盡腦汁發掘一D新煮法架!
每日早餐都係一樣食方包一塊, 雞蛋一隻, 西柚一個, 茶
雖然只係簡單既蕃茄蛋, 但將佢整得靚 D, 食落都開心D啦!
試過跑步, 但冇乜恒心... 加上我又為食...年紀大左新陳代謝又慢左... 種種因素下...一直未能回婚前既磅數...
自從上年見到殷師奶的老公殷大爺減肥成功之後, 我也立定決心要挑戰一下這個<十四天減肥餐>計劃...
不過每星期也有節目, 每星期也有藉口... 終於拖到現在才實行
其實食譜唔算十分難跟, 頭一日係最唔習慣既, 因為一時間食既份量少左好多, 實會唔夠飽, 好彩我選擇星期日為我既Day 1, 肚餓唯有訓覺啦...
同埋每日三餐都要自備, lunch又要自閉仔, 冇得同同事一齊出街食有D慘啫
講講我既成績先.... 十四天減了6.2磅, 雖然唔係好驚人成績, 但總算冇白費呢~ 已經好耐冇見過自己呢個磅數喇!!
為左喺單調既食材裏面加添新鮮感, 我都搞盡腦汁發掘一D新煮法架!
每日早餐都係一樣食方包一塊, 雞蛋一隻, 西柚一個, 茶
雖然只係簡單既蕃茄蛋, 但將佢整得靚 D, 食落都開心D啦!
嘗試用Staub無水煮豆腐娃娃菜, 無水煮方法果然可以保留食物既完汁完味, (更大可能係因為肚餓), 所以覺得份外好味!
一隻蛋+一個西柚的午餐
一日半冇食肉, 終於等到夜晚可以食牛扒喇... 殷師奶講得啱, 頭幾日係可以突然輕幾磅... 但到4-7日就冇輕過...
露絲瑪莉雞扒
黑醋蔬菜沙律
連egg in the heart都玩到要搞搞花臣
南瓜蛋麵包批
魚柳沙律
白烚肥牛娃娃菜
蕃茄燴雞肉 ~ 原來咁簡單既食材, 只係加左少少鹽, 都已經可以好美味
什菜湯
無水煮肥牛什菜煲
蕃茄豆腐雞
冬菇甘筍豆腐餅
三文魚刺身+翠玉瓜鮮木耳
漢堡扒沙律
南瓜蕃茄雞肉湯 ~ 呢個湯又飽肚又好飲!
睇起黎都幾豐富吧?! 呢十四天冇食過零食, 冇落過油, 糖煮食, 冇飲過我每天一杯既咖啡... 完完全全乖乖的遵守規矩
而家我既食量的確少左, 但距離我理想磅數仲爭幾磅... 希望可以繼續努力keep fit啦!
大家趁夏天來臨前, 好好為自己變得輕型D啦~
減肥?妳駛唔駛呀?
回覆刪除不過妳好有恆心
[版主回覆05/20/2013 10:38:49]要呀... 唔想做肥師奶先黎減呢
嘩，勁呀！會唔會成曰好肚餓架？
回覆刪除[版主回覆05/20/2013 14:15:54]頭一日會, 但好快習慣左就OK, 同埋會早左食晚飯囉
嘩，你好勁呀！祝減肥成功! 努力呀!
回覆刪除我結左婚後都肥左好多，好多，
我遲D一定要努力減肥，希望減返到做女的時候磅數啦!
[版主回覆05/21/2013 15:58:46]大家都要努力呀! 就算做左媽媽都要做個又靚又索既媽媽呢~
嘩。。。六磅幾都好叻呀（掌聲鼓勵）嘻*
回覆刪除睇得出你個餐單花盡心思，盡量變成美味而不是減肥餐，可能南瓜屬於澱粉質會減得比較少，
大爺到依家都無反彈，過一排再食多次效果可能更加好
哈碌望住魚生嗎？哈哈。。。。。
題外話-你d碟好靚
[版主回覆05/21/2013 15:57:19]大爺仲犀利啦...咁佢有冇再食多次呀?
我其實早晚磅都有正負一, 兩磅既分別架, 而家都好驚會反彈, 所以都好努力每晚跳半個鐘鄭多燕, 希望keep得住啦
我仲以為南瓜多纖維添~ 等我仲食左兩餐...
每次食飯哈碌都會搞搞震架!
D碟都係來自淘寶..Hehe
我都好肥... 好想減肥...
回覆刪除但要食少d 又好難...唉~~
[版主回覆05/23/2013 09:42:55]你都唔係好肥啫...keep fit就得啦, 唔駛減...等你考晒試就做多D運動囉
6 磅幾, 唔錯呀! 之後食返平時食的東西會否反彈?
回覆刪除[版主回覆05/27/2013 12:13:51]暫時都冇反彈, 都係早晚有一, 兩磅上落咁啦... 而家都有keep住做運動呀!
14 日 6 磅, 都唔簡單喎....
回覆刪除我見到有一日LUNCH 係 ==> 一隻蛋+一個西柚的午餐.....一定好難捱
[版主回覆05/27/2013 12:14:20]我覺得西柚都幾飽肚, 反而一隻蛋, 一個蕃茄果餐lunch就真係好肚餓喇...
哇。。。六磅
回覆刪除[版主回覆05/27/2013 14:10:24]早晚有一, 兩磅上落啦... 而家要努力keep梗, 仲想瘦多幾磅呀!
加油呀！Keep Fit是一生的任務，講様秘密你知，我曾經是肥妹仔，以156cm呢個高度重130磅，好得如人驚。。。减肥後一路都只得九十幾磅（系完全靠飲食黎减，無做任何其他野），最重要系要有意志，有意志力甚麽都可以做到。Keep fit keep到成習慣0既我，磅數已經可以輕易掌握0系自己手裏，最重要系無需要辛苦地keep，宜家系想食甚麽都可以，但因爲呢個Keep Fit概念已經好根深蒂固，我對自己的飲食選擇十分嚴謹，個腦控制埋個身體。。。當我覺得自己肥左，我會馬上覺得吾想食野。Keep Fit keep 足20年0既我，都有好多减肥心得，有空交流交流，哈哈！
回覆刪除[Dlee回覆05/29/2013 14:56:14]加油加油！！！
[版主回覆05/29/2013 14:42:13]我都要好好學習下先! 我都好同意你所講呢個方法, 食一餐豐富之前要留定肚, 或之後食返清D, 咁就冇咁罪惡感, 哈哈! 我以前都係食極唔肥果隻, 但年紀大左, 新陳代謝真係慢左, 要對自己harsh d先得喇!
[Dlee回覆05/29/2013 11:42:02]其實我系以logic去選擇食物减肥，無話特別參考任何减肥餐。我平時都幾harsh架，因爲留quota比自己出街、去旅行、或其他節慶日子食，所以平時我食野比較清同少。我習慣左早餐只食一片牛油多士加奶茶，午餐都系食多士或三文治或沙律，下午乖就食生果，吾乖就食零食，夜晚一系食d正常屋企飯或烏冬或夀司納豆或蕎麥麺等等，夜晚口痕會飮咖啡同食零食。但由於我長企都食得比較harsh，所以偶有出去食下肥野都影響吾大。不過通常食完一次肥野下餐同第二日就食得好清。同埋我覺得有様野系好影響個人keep fit意志，就系屋企一定要有個電子磅（即是你重左輕左0.2磅都show到0個種），平時返工，我系朝早起身磅一次，放工未食飯磅一次，食完飯後磅一次同臨睏前磅一次，一日起碼磅四次。因爲我可以好清晰知道自己邊段時間出左問題影響體重。當你好清楚每個細節，你就會好容易掌握食甚麽影響自己體重，點樣食會可以輕鬆健康減磅。好似如果我去完旅行食重左，之後起碼有1至2星期高度嚴謹自己得飲食。對我自己黎講，最有效又算吾影響健康0既旅行後减磅餐系－－早餐：牛油多士一片，奶茶半杯（多奶兩包糖，因爲我有一個原則，就系絕對吾會食難食0既野減磅，因爲會好快好frustrated），午餐：牛油多士兩片，咖啡或奶茶半杯，下午茶：木瓜一大杯，晚餐：雞柳雜菜車厘茄雞蛋沙律大大盤（加Olive Oil+醋＋black pepper），食足9至10乘飽都的,宵夜：好飮日本全脂鮮奶一盒。
食兩日已經見效。第三日可以改下晚餐內容食幾兼夀司＋納豆，一定要飮合奶保持自己吾肚餓，因爲太肚餓第二日好難過。星期六日可以正常食野，但吾可以食肥野，出街食都要揀，日本菜、海鮮、越南菜（煎炸野吾得）。0甘可以0既就屋企食，如煮豆腐墨魚丸烏冬、蒸魚、番茄蛋等等，其實只要日日磅幾次，對我黎講真系吾容易話肥就肥，重1、2磅對我黎講已經系“紅色警報”，要即刻壓返落去先可以食多d。當自己系减下食下，習慣左就吾容易返肥架啦。
[版主回覆05/29/2013 10:44:05]嘩!! 好勁呀! 你真係不愧為keep fit 達人喎! 你又係食減肥餐減肥? 今次食呢14日減肥餐, 對我黎講已經算係好大決心架喇, 哈哈! 但我仲未減到去理想磅數, 所以仍需努力呢~
我又係食禁整野食食下食下唔覺唔覺禁肥左
回覆刪除見到你呢個14日 減肥餐 覺得你好有恆心呀 仲有有幾餐睇落都應該會幾肚餓
加油呀加油呀!!!
[版主回覆06/12/2013 21:48:46]大家一齊加油啦! 為自己健康體態著想, 一定要有恒心/決心先可以減到呢~
嘩~~~~都減到6磅,,,我又想試啊~ 我都有跳鄭多燕, 跳o左年幾啦, 加上上下班行40分鐘返屋企, 冇乜戒口, 想食就食, 但冇以前咁暴飲暴食, 所以年半瘦o左12磅左右.
回覆刪除[版主回覆06/24/2013 15:29:15]咁你都減得好健康呀!! 繼續努力keep住呀! 我都係剛剛先開始咋~