星期日有事要同哈米波波去銅鑼灣, 辦完正經事後, 夜晚去左有51年歷史既金雀餐廳食晚飯...
可能你唔知金雀餐廳有乜咁特別? 但一講係"花樣年華"拍攝場地應該會知喇卦...
而家呢D舊式西餐廳真係賣少見少喇... 記得以前讀書時都好鍾意去花園餐廳, 金鳯餐廳鋸扒... 而家已經成為經典喇~
相信餐廳都保留左幾十年前既裝修... 綠色牆紙, 綠色枱布, 小璧燈... 真係好懷舊呢~ 週圍亦掛住花樣年華既劇照做生招牌啦!
可能你唔知金雀餐廳有乜咁特別? 但一講係"花樣年華"拍攝場地應該會知喇卦...
而家呢D舊式西餐廳真係賣少見少喇... 記得以前讀書時都好鍾意去花園餐廳, 金鳯餐廳鋸扒... 而家已經成為經典喇~
相信餐廳都保留左幾十年前既裝修... 綠色牆紙, 綠色枱布, 小璧燈... 真係好懷舊呢~ 週圍亦掛住花樣年華既劇照做生招牌啦!
唔只咁餐廳仲出左個"2046套餐"同"花樣年華套餐"
Menu裏面仲好懷舊...我發現有飲品叫"金雀少爺", "風流寡婦"同"天方夜譚"... 我同哈米波波都笑左好耐...哈哈!
最後我地叫左一個全餐同一個特餐
羅宋湯好足料, 餐包亦都暖暖地
全餐既頭盤"吐米桃石班" 即係Tomato石班...哈哈~ 好似食梗中式扮西式煮法既石班咁...唔難食, 但好得意
主菜係黑椒牛柳, 我叫五成熟, 裏面煮到粉紅色剛剛好, 唔韌, 亦唔會有梳打粉乸過既感覺, 唔錯架!
仲要一提, 呢度大部份侍應都係有返咁上下年紀, 但個個都好好笑容, serve我地果個姨姨好有禮貎, 又經常換水, 好有親切感, 值得一讚!
最後仲有雪糕同雪糕新地(多幾舊菠蘿)...
呢餐食得好開心... 唔係因為特別好食, 而係令我諗返好多童年回憶... 記得以前細個時, 屋企樓下都有間裏面黑忟忟既西餐廳, 望落好似好神秘, 好"膠紙"咁... 每次爸媽話帶我去"鋸扒"時, 都會好開心, 直頭好似小丸子去"膠紙"餐廳既感覺... 哈哈! 細細個真係好容易滿足呢~
5成熟！！
回覆刪除以前我食7成都得，衣家要8成，好驚血淋淋！
[版主回覆08/19/2013 14:48:33]我老公叫七成熟好似well done咁, 我個五成熟只係有少少粉紅, 冇血水, 唔會血淋淋架
5成熟都無咩血水噃~~最鍾意個雪糕加波蘿呢^^而家都好想食~~
回覆刪除[版主回覆08/19/2013 15:50:51]五成熟剛剛好呀!
以前細個時好鐘意去呢D餐廳，最期待就係食佢個雪糕
回覆刪除金雀原來都唔平喎
[版主回覆08/20/2013 10:31:23]係呀! 仲覺得去"鋸扒"係好高級架嘛~
以而家既物價黎計都算係咁喇...銅鑼灣區喎...要支持老店!
依種舊式豉油西餐廳，我去得最多係太平館，其次係花園餐廳，好有香港特色呢!
回覆刪除不過未去過金雀，返香港時有機會會試吓~
[成日都好鬼happy 既Mrs.T回覆08/20/2013 22:25:10]果舊野...食空氣!
我估係為咗遷就港人口味，煮野時會用豉油去煮菜式咁解啩!!?!
[版主回覆08/20/2013 10:36:31]去太平館最開心係食佢個巨型梳乎厘...哈哈! 點解叫"豉油"西餐廳既?
你搞到我都想去試吓呀.
回覆刪除[版主回覆08/20/2013 11:24:30]去懷舊一下都好丫... 呢D舊式餐廳真係唔係淨返好多間咋~
好懷念的舊式餐廳~~ 趁有機會真係要去支持下呀
回覆刪除[版主回覆08/20/2013 12:50:04]係呀! 去懷念一下都幾得意架~