2013年11月1日 (星期五)
又到1號喇~ 原本呢晚打算下廚
點知臨放工前, 老公突然話想去長洲食海鮮
還掂係Happy Friday, 去咪去囉! 哼!
一向都知道長洲海鮮平架喇... 但估唔到咁多年黎價錢都冇乜點變,
仲平過去食快餐... 3個海鮮1個菜都只係$158... 抵到呢~
坐喺海邊, 好有風味!!
老公話: 咁快就結左婚3年...
我話: 係上個月已經3年喇... 今日係37個月呀!
咁平既"海鮮餐"都冇乜要求架喇~ 好唔好食就見人見智啦!
蒸左條唔知咩魚
蒜蓉蒸開邊蝦
豉椒炒蟶子
每次黎長洲必定幫襯既允升, 芒果糯米糍已經賣晒, 只好叫芒果豆腐花同紅豆沙豆腐花啦!
最後去碼頭仲買左碗碗仔翅返屋企做宵夜
重點係呢檔碗仔翅既辣菜甫好正!
只係落左一平湯匙已經好夠辣, 愛辣既朋友一定要試呢~
158蚊.........真係好平喎, 可惜冇人即興同我一齊去食^^
回覆刪除真係堅平... 生意難做呀... 不過我由長洲返屋企都要兩個鐘呀! 要搵人即興去食都唔係咁易呢~
刪除好有慶誌喎，放工入到去長洲
回覆刪除$156真係堅平喎，仲要食海鮮tim
不過一分錢一分貨啦... 唔可以同西貢果D比囉
刪除真係堅平喎!! 允升係咪賣糯米糍好出名果間? 上次我朋友買過榴蓮糯米糍比我食, 超好味呀! 淡淡榴槤肉~
回覆刪除不過一分錢一分貨啦... 唔可以同西貢果D比囉, 允升係出名芒果糯米糍, 舊芒果好大舊, 個皮又夠薄, 好好味, 但榴槤就未食過喇
刪除即興好勇呀! 我老公完全無呢d癮...就算係，都係去南丫島多，唔知原來長洲咁平!
回覆刪除不過一分錢一分貨啦... 唔可以同西貢果D比囉, 南丫島其實仲快仲方便, 不過貪長洲夠平過下口癮, 又可以食埋甜品
刪除嘩…158真係好抵喎！
回覆刪除好勁，放工入長洲……好彩妳地出返黎都有巴士返元朗。半小時搞掂！
突然即興想去就去啦... 唔係呀! 回程只搭到慢船, 再搭西鐵返屋企, 都成兩個鐘啊!
刪除都真係好即慶, 每次去離島我要早早PLAN 定. 仲有, 估唔到有咁抵食的海鮮, 真係去街市買材料呢個價都未乜得
回覆刪除香港咁細... 又去過咁多次, 都唔駛plan啦~ 哈哈! 呢個價錢真係自己買餸都買唔到呀!
刪除真係好抵,上次就媽媽地,你哩間大件好多,仲食埋甜品同宵夜,真係圓滿
回覆刪除我之前食過唔記得邊間, 可能唔識叫, 叫左蟹同瀨尿蝦, 都係勁細隻架... 今次叫呢D唔會細得去邊嘛... 不過咁平, 都唔要求咁高囉... 志在叫食下"風味"海鮮餐囉...
刪除真係有興緻, WEEKDAY入長洲!!!!!
回覆刪除Happy Friday, 都算踏入weekend架喇~ 哈哈!
刪除