秋季野餐 之 迪欣湖

2013年10月26日 (星期六) (晴)

 

繼之前一星期去完山頂野餐之後, 深深愛上左呢個活動

趁住仲係秋高氣爽既時候又去多次先!

不過今次地點係熱門既"迪欣湖"

 

去到迪士尼站搭R8龍運巴士, 短短車程都要收7蚊

或者可以行去大約15分鐘

 

 

一個站就到喇! 今日比上星期個天更藍呢~

 

香港難得風景優美既消閒地方

 

今次準備得比較求其... 只係整左煙火雞芝士三文治

塊野餐墊係喺淘寶新買既, 我最愛既花花, 事關典型巨蟹座既老公乜都要大大份

佢嫌上次果兩張墊唔夠大, 今次買左張4呎 x 5呎, 但佢都仲話細

 

我地大約2點幾去到, 樹蔭既草地都俾人霸晒, 最後都行得幾入, 搵到個樹蔭, 但草地唔係好大, 同埋都幾近路邊, 好多人行黎行去, 而且草地比較濕, 又多蟻同飛飛,

 所以我地都一致鍾意山頂草地多D

 



 

我坐喺草地就係面向呢個景喇... 前面已經係行人路, 想訓下草地都唔係好自在

 

 

呢度好多後生仔女黎開party, 帶晒氫氣球好好氣氛呢~

坐左唔係好耐, 因為怕有蟻爬上身, 所以就起身, 沿住個湖行個圈散步喇!

 



 

對住個湖都幾舒服既... 不過呢度仲有樣唔好既野, 就係好多飛機經過, 冇左郊外既寧靜

 

小瀑布

 



 

踩下水上單車都幾寫意

 

行左一個圈又去返入口處, 呢間可能係全港最靚既7-11

 

因為有間咁方便既7仔, 其實有諗過不如喺度買雞脾叮黎食算...哈哈!

又買返杯雪糕坐喺湖邊嘆下!

 

 

連巴士站都咁靚... 回程搭返R8去青馬大橋轉車處搭機場巴返屋企!

其實迪欣湖都好多人會揸車黎, 但由我地2點幾去到, 到5點走既時候, 都見到D私家車大排長龍

而且D職員仲叫人唔好等入停車場添~ 同埋有時會因為舉辦活動會封左停車場, 所以要揸車黎既朋友就要留意喇!

 

去到青馬大橋轉車站剛剛日落lu~