復活節假期的第一天 ~ 流浮山食海鮮

復活節假期第一日, 約左同三月份生日既好姊妹慶祝兼到上年新婚既姊妹新居house warming, 之前食過美心既快樂彩虹蛋糕, 我覺得D cream好甜, 今次試下呢個少cream版, light D, 好味D



夜晚就到流浮山食海鮮~

第二次黎呢間新陶園, 可以預先俾左個budget佢寫菜又得, 我地就選擇去到先自己揀海鮮!

大大隻三斤重既龍蝦都只係九百蚊! 抵食!

海鮮檔既貓貓唔知會唔會偷魚食呢?

豉椒炒蟶子皇 ~ 蟶子新鮮又爽口

壽星女指定既紅燒刀魚~ 我好少食魚頭魚骨, 但食正一舊係啖啖肉, 好好味!

酒樓送既海鮮例湯

我地叫左砵酒焗蠔, 但呢個似薑葱蠔多D囉...不過好濃蠔味

粉絲蒸象拔蚌仔

黃金蝦 ~ 我最愛既黃金蝦都依然係寧波波... 其他地方都冇可代替

菜既份量都唔少

酥炸生蠔 ~ 炸得好酥脆

主角上湯龍蝦~ 多肉又彈牙, 連龍蝦腳都有好多肉呢~

油鹽水煮蜆 ~ 有花甲有D失望, 不過呢個蜆都好大兜, 煮得好滑, 啱啱好

仲有送既馬豆糕同橙

壽星女話佢之前都黎過呢間食, 覺得麻麻地... 但今次無論份量, 味道都好得! 計我話同我地呢班好朋友食, 食乜都好味D啦! 哈哈!!! 呢餐真係好開心好滿足呢~