年初二 ~ 浪費Quota的韓國餐

2014年2月1日 (六) (晴)

大年初二, 唔駛去拜年, 但晨早就開始蒸年糕準備送禮

忙左大半日, 4點半先出去睇戲

睇左大夢想家, 唔係嘻嘻哈哈既賀歲片, 仲有D深度添...

不過老公話幾好睇, Tom Hanks真係做得好!

睇完戲原本想去食川菜, 但打去book枱冇人聽, 可能仲未啟市啦~

於是求其去左呢間韓食家

叫左2人燒烤套餐

有五式前菜... 味道一般

柚子菜絲沙律?? 如果真係菜絲, 口感會好好多...

濟洲綠茶, 好味!

薑片柚子樂, 熱既可樂竟然仲可以有氣既?

韓式辣醬豆腐... 我食左一啖就唔想食喇..

燒烤食物原來都幾多份量喎...

有豬腩片, 牛骨肉, 雞片, 蝦

豬腩片好韌

牛肉一般

蝦唔錯

雞都幾好

辣豆腐海鮮湯... um...

DIY紫菜飯團

搓搓下就搓左四個小飯糰, 可能係全餐飯最好食架喇!