年三十 之 倆口子團年飯

2014年1月30日 (四) (晴)

年三十雖然放3點, 但仲有好多野要做

拿拿聲返屋企繼續執屋

清潔完廚房收爐

所以倆口子出街食團年飯

漫無目的週圍行, 見到一間新開既日本餐廳

於是就去試下

淨返bar枱, 照坐... 但唔係坐得太舒服, 冇得踏腳既

Menu款式話多唔多

但樣樣都好似幾吸引喎...

蟹肉餅, 啖啖蟹肉

呢個叫迷你海鮮手打烏冬, 但一D都唔迷你呀! 

仲好足料添~ 有兩大隻大蝦, 蜆, 帶子, 魷魚, 蟹柳...

但湯底竟然似出前一丁麻油味...

柚子銀雪魚, 銀雪魚滑嘟嘟, 加左柚子醬甜甜地, 好新鮮!

芒果蟹子沙律, 青瓜多過乜, 但青瓜亳無清新味道

手握壽司全部即叫即整

所以等左好耐....

呢隻後加單既鰻魚壽司

係就係即燒好香, 但燒汁明顯唔夠入味同唔夠色水

不過整體黎講質素都OK, 可以翻兜再試