2014年5月31日 (六) (晴)
今日約左奶奶去珍寶海鮮舫飲茶
我地大約2:15pm去到, 原來都冇乜客人
可以坐喺窗口位, 望住遊艇會, 景色很好
以前黎飲茶會有點心檔可以自己出去攞, 但而家唔知係因為晏左定已經取消左lu
所以點心選擇比較少
不過點心質素都OK, 我鍾意中間果碟鮮蝦煙鴨酥
下晝同奶奶飲完茶, 夜晚就同我爸媽食飯做節
唔知大家屋企興唔興做端午節架呢?
我屋企除左團年飯同冬至之外, 仲會做端午節同中秋節呢~ 相反男家反而冇咁重視節日喇!
其實都係搵個藉口食餐好啫!
今次我就帶佢地去食天天川菜
必食蒜蓉萵筍絲
音樂玫瑰雞 ~ 佢地自稱音樂雞喺農場聽住音樂長大, 肉質特別好食... anyway...
之所以叫玫瑰雞係因為落左玫瑰露煮, 所以D雞肉入晒濃濃既玫瑰露香味
裏面既菇菌都煮得好好味呢!
上次食左爆炸蟹, 今次試下爆炸虎蝦先! 餐牌裏面只得爆炸蝦, 叫之前要問清楚呀!
虎蝦大大隻, 而且切開左, 所以好入味, 亦好夠辣, 除左辣仲有麻, 辣得好有層次
水煮原條桂花魚, 呢度既魚起晒骨, 啱晒唔鍾意有骨既我
上次食左急凍魚塊, 今次食新鮮, 果然新鮮魚多左份魚既鮮味, 好滑滑添~
鴛鴦饅頭 ~ 大家都鍾意食炸饅頭多D, 因為炸得好鬆化呢~
虎蝦大大隻,好好食咁喎!!
回覆刪除夠晒辣，好刺激
刪除我都好鐘意食辣!!
刪除我鐘意隻虎蝦 :-D
回覆刪除我都最鍾意碟虎蝦
刪除嘩﹗好好味喎﹗愛辣啱晒呀﹗
回覆刪除係呀！愛辣必試
刪除我以前屋企都有做端午節架, 不過唔知幾時開始就無做了.
回覆刪除我屋企有做中秋, 冬至, 團年, 年初一, 開年(初二). 連公司端午都無早放, 就知唔多人做.
我今年都只係食左一隻粽應下節
刪除妳兩點幾去到係咪下午茶時段啦？
回覆刪除我媽有做端午節，反而奶奶個邊就有做
又去天天呀？不過佢D嘢係唔錯
咁快就下午茶? 但冇下午茶既價錢喎...
刪除係呀, 我爸媽都食得辣, 所以帶佢地去試下, 佢地都讚好食!
睇黎天天好唔錯WO，大家都介紹過
回覆刪除你爸媽好勁呀都食得咁辣
係呀! 好開心元朗有間好味既川菜!
刪除我果邊既屋企人/親戚個個都食得辣架~
下次搵埋妳去食辣
刪除好呀! 不過我而家又病左...暫時唔食得辣野喇...
刪除Take Care ar
刪除好想食水煮魚呀,但老公唔食得辣呢 (╯3╰)
回覆刪除我覺得呢間唔算好辣, 你可以叫小辣試下
刪除好呀,等我叫老公陪我去先 :)
刪除