十七週年遇上七夕節 (上)

2014年8月2日 (六) (晴)

原來我的人生有一半以上都跟你走在一起了!

雖則話一齊左咁耐...但慶祝節目依然係有既...

今日一早就去左攞特區護照...見到張籌寫住輪候時間要成個鐘

於是就去左隔離食個late breakfast先!

仲買左張SPCA既貓貓旗

點知食左半個鐘唔夠返到去入境處已經過左, 好彩好人既職員叫我地直接去13號窗攞就得喇!

跟住再去埋郵局攞掛號, 一切順利完成!

出到觀塘由於時間尚早, 又未到下一個節目

於是又去食個lunch先~

揀左呢間喺工業大廈既樓上餐廳

一貫北歐簡約風既裝修

星期六主要食All day breakfast, Egg Benedict, Pancake, Waffle等等...

我當然係叫Egg Benedict with Ham啦!

點知...一切開.... 隻蛋熟既?? 嗯... 巧失望囉...

唯一可取係格格薯係熱辣辣幾好味既!

到食晒收碟時, 哈米波波多口同侍應講Egg Benedict隻蛋係全熟, 個侍應好唔好意思咁話駛唔駛換過份, 話平時唔係咁既... 咁就當我唔好彩啦!

薄燒牛肉漢堡 ~ 呢個味道OK

左: 青蘋果紅茶

右: Caffe Latte

雖然我個Egg Benedict失左手, 不過呢度都坐得幾舒服...所以都好多人幫襯呢

之後...我地就會去今日既重點行程喇!!

~待續~