Ice Bucket Challenge

2014年8月25日 (一) (晴)

最近城中最熱話題都非"冰桶"莫屬啦! 

呢個係由一位美國人為肌萎縮性脊髓側索硬化症 (ALS)基金會所發起既籌款活動

令更多人對漸凍人症呢D病人有所了解, 從而亦為呢個基金籌得好多善款!

雖然好多人都話呢個"冰桶挑戰"只係一個浪費食水既無聊遊戲

真係要捐錢的話, 係唔需要作咩挑戰... 

但係試諗下, 若果喺街就咁放個籌款箱喺度, 又有幾多人會真正主動去了解個基金再捐款呢?

今次正正可以喺朋輩間互相鼓勵下進行, 當然最好唔好過份地浪費食水啦!

其實若果你今日仲係沖梗熱水涼, 由開水喉到有熱水果短短十秒,

你已經可以最少裝滿兩個冰桶既水喇! 又或者飲少兩杯凍飲, 已經夠一次既冰啦!

anyway, 我被同事點名接棒下, 我都完成左Ice Bucket Challenge喇!

最重要當然都有捐款啦! 

其實社會上都有好多慈善機構或者罕見病患者需要大家既支持

我喺度想講無論你有否接受或被邀請冰桶挑戰, 都希望大家可以有錢出錢, 有力出力!

希望藉著今次機會, 大家可以多D關心社會上有需要既人! 將呢份善心宣掦出去!