快閃馬交

2015年6月13日 (六) (晴)

有一日, 有同事提議搞個馬交之旅

老實講, 由出黎做野開始, 幾乎每年都會去一次馬交

直至2012年之後就冇去過喇...

因為度度都起晒大型賭城, 物價又貴左好多, 但有D老字號既小店則相繼結業

已經唔再係我地鍾意簡單純樸既澳門喇...

唯一係之前好多人專程去睇既水舞間

我地都冇去睇過...

今次同事提議去馬交, 其中一個節目係睇水舞間

難得一班人一齊去, 我地又跟大隊去走一轉啦!

今次行程好簡單, 亦好充實!

{先到米芝蓮一星既The Tasting Room食lunch ->

韓國過江龍Isaac Toast ->

水舞間 ->

米芝蓮推介餐廳 Cafe Leon 食Dinner ->

全新澳門百老匯大街 -> 回港}

十二隻恐龍去馬交 ~~ 出發喇!!

我地搭11點船由港澳碼頭出發去氹仔

之後就直接去新濠天地Crown Hotel裏面既The Tasting Room御膳房食Lunch

由於我地12位比較多人, 所以一早已經預先點好菜

餐廳仲免費upgrade我地坐private room添!

麵包暖暖的, 好好味! 

最鍾意係呢個香草包

Amuse bouche 面層係青瓜泡泡夾著三文魚沙律同啫喱, 好清新開胃

Appetizer 係法式牛油煮龍蝦

配上海鮮清湯, 彈牙既龍蝦配上鮮甜海鮮湯好味美!

第二道係蟹肉龍蝦湯

用上圓球類器皿盛著好別緻

見到一絲絲既蟹肉同龍蝦肉已經流口水喇~

再注入龍蝦湯

龍蝦湯香濃得黎好creamy... yummy!

第三道菜係慢煮鱈魚伴薄切帶子

鱈魚冇我想像中咁幼滑...帶子薄得像隱形眼鏡一樣...你睇得見嗎?

我既第四道菜係慢煮牛面頰配法式麵食

牛面頰入口即溶, 配上小米粒...真係令我一口接一口食唔停呢~

哈米波波要左燒法國野鴨配時蔬

相比起我既牛面頰, 呢個就較為普通一點

到甜品時間喇! 

我既菠蘿芝士餅配香蕉雪葩

真係又出色又驚喜

菠蘿配芝士餅比較小見, 但味道好配, 好新鮮

香蕉雪葩更加係出色之作, 又香又甜又好味!

哈米波波既御膳房草莓蛋糕

睇落簡單普通, 但食落好好味!

同事既朱古力咖啡泡沫伴榛子雪糕

最後連小甜點都花心思...

我既熱檸檬茶消消滯...

朱古力馬卡龍都好好味啊!

呢餐午餐都食左三個鐘

接著又要趕去新馬路食過江龍Isaac Toast

因為有同事未食過...我就一於比較下同韓國既分別啦

跟住地圖好快搵到!

比韓國好似多左D小食

檸檬特飲...消暑清爽

好在呢度既效率比韓國快得多...

我地怕趕唔切睇水舞間, 於是要攞走食

一大開...好失望啊! 同韓國差得遠呢~

韓國有大量生菜絲, 蛋裏面有粟米...呢度都一一欠奉啊!

如果未食過韓國原裝正品, 或者都會欣賞澳門出品既~

最後因為返去氹仔時有點塞車...miss左舞水間頭十分鐘精彩表演...可惜!

不過整場show都好吸引, 好好氣氛呀!

睇完水舞間, 就即刻去地堡街既利安咖啡屋 Cafe Leon

呢度前身係位於西灣大馬路既文員網球會利安餐廳

從前既口碑已經好好, 出名抵食夾大件呢~

原本想訂原隻乳豬釀飯, 但怕太大隻, 食唔到其他野, 所以放棄左

好在可以散叫乳豬...

乳豬皮金香鬆化...脆到卜卜聲

馬介休球

豬手都好脆

馬介休炒飯

Sangria 連我飲得酒都覺得酒味過濃

葡汁焗西蘭花

紅酒牛肋骨...我覺得唔錯, 但同事們似乎覺得麻麻地

焗豬扒飯....同一哥焗豬一樣味

非洲辣雞

最後再加多個葡國雞, 即叫即製, 好味!

見時間尚早, 於是去埋新景點, 澳門百老匯大街...

沿住Galaxy指示一直走...走呀走....終於黎到....

噢....原來係咁咋...

最後搭10點半船返香港, 結束快閃馬交一天遊之旅喇!