去迪迪尼嘆茶

2015年6月27日 (六) (晴)

就黎到哈米波波生日

奶奶話要俾封生日利是佢

哈米波波就揀左"我想去好耐"既迪迪尼晶荷軒飲茶喇!

我早兩日book左位, 仲留左兩款迪迪尼點心添~

我地早左十五分鐘入座

裏面既吊燈同畫都係以荷花做主題

仲安排左我地坐窗口位, 採光十足, 望住出面風和日麗既景色份外舒服

呢個係奶奶叫既麻婆豆腐

仲有三色什菌素餃

招牌瑤柱蟹肉脆腸粉...一滑一脆既外皮包住啖啖蟹肉, 果然出色!

鮮參野米滑雞粥...參味唔太濃...冇乜特別

煎鵝肝和牛鍋貼...鵝肝同和牛混合, 所以唔會太膩

點菜後, 我地特別問侍應之前預訂既迪迪尼點心, 駛唔駛而家再講一次, 佢話唔駛架喇!

見隔離枱一開始已經上左特色點心...而我地仲未黎, 一問之下先發覺原來冇左我個order

最神奇係呢個時候我check到電話有個miss call, 原來喺我地入座後半個鐘 (我地比原先book枱既時間早左十五分鐘入座) 餐廳打黎話我仲未到...well....因為咁所以取消左我張單?!

finally...迪迪尼點心出場...(其實大部份特別點心都係包包...邊食到咁多喎!)

呢個係迪士尼小熊甜包

粉紅色小熊係斑蘭蓮蓉包, 啡色小熊係豆沙包

造型就幾得意, 但個包就乾硬化左D

醫神海鮮雞肉包... 呢個造型爭少少, 但個包冇咁硬

食唔出有海鮮, 但就有冬菇雞肉

呢碟XO醬用料十足, 俾我地食清...

夜晚返到屋企商場, 見有帝京餅店booth...有好得意造型既甜品啊!

忍唔住買左兩個返屋企

一碗用公雞碗載住既紅腸煎蛋飯

紅腸係肉桂曲奇, 煎蛋係古古力, 飯就係米通

下面就係栗子蛋糕...幾好味!

日式拉麵就係芒果mousse...我鍾意呢個多D!