中環山下

2015年6月30日 (二) (晴)

Lun~ch去食鐵板燒...你話夠嚣唔夠嚣?

剛剛升呢做Partner既老闆請食Team Lunch

有同事介紹呢間山下Set Lunch抵食...於是拉隊黎試下!

老闆揀左特選黑毛和牛西冷果個set ($450), 我地梗係二仔底...屎跟啦!

山下大廚為隔離煮梗...

先黎鮑魚蒸蛋...鮑魚好鮮蛋好滑...好味!

呢款又似麵包又似蛋糕真係好好食! 每次食完侍應都自動refill...我就連食左兩舊...

開胃沙律菜

香煎帆立貝

帆立貝上淋上味噌汁... 帆立貝煎大隻厚肉, 仲煎得剛剛好...嫩滑彈牙

有同事對甲殼類海鮮敏感, 所以換左個凍洋葱湯俾佢...

白色既洋葱湯都係第一次試, 仲要係凍既...好特別, 洋葱味超濃又creamy

主角和牛出場

諗起都流口水

真係不得了!!! 我覺得仲好食過喺神戶食既和牛啊!

入口即溶爆金香...點少少黑椒同wasabi連同香脆蒜片同食更出味!

仲有味噌湯, 漬物同蒜蓉燒飯

甜品有三款自家製雪糕揀

左起: 芒果雪葩, 雲尼拿雪糕同蕉糖雪糕

最後仲有咖啡茶....真係好豐富滿足呢!!!