獨家台北團 - Day 2 下午鬆一鬆。去探鬆弛熊

2015年12月11日 (五) (密雲)

{台北101 > 點水樓 > 微風廣場 > 鬆弛熊Cafe > 淡水 > 士林夜巿}

第二日起身食完早餐就出發~
第一個景點係台北101... (真係好遊客)
我都係第一次黎呢~

排隊上觀景台, 都幾多人啊!

世界最快速電梯? 點解我都要等咁耐lift既?

黎到觀景台...天色唔係太好...

見到國父紀念館

之前熱爆既金魚茶包...又話斷貨不接受訂購

竟然俾我喺101上見到...念得意買返盒...都幾貴...

Lunch去忠孝復興站Sogo既點水樓...

唔得咩豆腐

叫左兩款小籠包, 分別係原味同蟹粉

蟹粉都幾多

三星葱油餅

東坡肉

醃篤鮮

我覺得整體黎講都係普普通通...唔係唔好食...而係喺台灣有更多好選擇呢~

跟住去微風廣場Tokyo Hands

呢間肉乾包裝好可愛...買手信就最啱喇!

仲有basement既超巿

又係時候食下午茶喇~

之前喺網上book唔到位...於是黎walk in睇下

好彩好快就有位

雖然唔係超級fans...但見到咁可愛都會好興奮呢!

可惜平日下午茶時段冇呢D得意造形既飯

不過都仲有好多甜品選擇

有個影相區

薯條配蜜糖芥末醬, 熱辣辣食到停唔到口

蜜糖pancake...雖然pancake真係有蜜糖味...但我會prefer淋蜜糖上面果隻多D囉...
而家略為乾左D

蛋糕就好好味, 唔馬虎

雖然呢度係我自己想黎既...但爸媽黎到都好開心, 由其係媽咪, 佢都週圍影相呢~

跟住去淡水...估唔到六點幾個天已經黑到好似九點咁...仲諗住睇日落添

可能因為平日, 所以條街都比較冷清...小食店都準備收工

見呢間店員好熱情咁叫我地試食, 又真係幾好味喎...

所以叫左份九層塔魷魚, 好味!

經過見到呢間好多人排隊喎...

我又唔蝕底跟住排...

原來係新鮮出爐蛋糕

嘩!!!! 仲要係兩層流心芝士添....舖面仲不停播住介紹佢地既節目片段

話好多韓國遊客都好鍾意食呢~

100台幣咁大份, 真係勁抵! 我地都急不及待

去左OK食...係呀! 我地搵到間樓上有雅座既OK, 仲包場添~

買左蜂蜜啤酒, 好蜂蜜, 啱晒唔鍾意飲啤酒既人

講返件蛋糕...真係不得了...真係好好好食呀!

蛋糕鬆軟, 中間既流心芝士, 少少鹹, 好特別... 呢個價錢真係冇得輸

我地好快就KO晒佢喇!

認住佢先係正店

逛完淡水...進擊士林...可惜今非昔比...

鐵皮屋不再不突止...地下街食肆亦裝修中....嗚嗚...真黑仔...

雖然唔肚餓, 但好似冇野落過肚咁...

於是就同佢地喺酒店附近搵食...

食左魯肉飯, 又幾好食喎! 仲要價錢超平添!