木婚漫遊巴塞隆拿 (Day 7) ~ 登山看巴塞

2015年10月6日 (二) (晴)

{Castell de Montjuic -> La Boqueria Market -> Palau Guell -> Hong Kong}

今日係最後一日既行程喇~

傍晚搭18:20機返香港, 所以仲有大半日時間玩

朝早會去Castell de Montjuic

由於我地間酒店喺正Parallel站, 所以經地下行去纜車站就得喇!

山上既纜車站

搭完纜車, 仲要轉吊車, 點知我原來睇錯時間...吊車要10點先開...我地就唯有喺度呆等一個鐘囉...

解悶方法就係影下相...

 

終於上左吊車喇~

上山有個城堡...原本諗住冇乜時間參觀...但上到黎又冇乜野做, 要睇靚view都係要入城堡先得, 所以我地就乖乖俾錢入場囉!

 

今日有無敵藍天...上黎睇風景啱晒喇!

可以望晒成個巴塞隆拿

睇完風景就再去La Boqueria Market

因為噚日食海鮮食得唔夠喉...又覺得其實冇想像中咁雜...好想再食西班牙紅蝦...

所以最後一擊衝呀~~~

今日揀左呢間裝修得好elegant

叫左即開生蠔

唔係好肥, 但味道都唔錯...

炒雜菌...炒得好香呀!

飲返杯檸檬啤

蟶子都好正

主角出場...西班牙紅蝦蝦味好濃, 但肉質唔係爽口彈牙(唔通唔夠新鮮?)

不過佢既蝦味可以留喺口腔好耐...

星期日攞唔到免費飛去Palau Guell, 今日就俾錢入場啦!

呢個桂爾宮係高第初期既作品, 亦因為屋主桂爾請左高第設計, 大家成為左好朋友

到後來桂爾公園就繼續請高第為佢設計喇!

屋地窖係馬房

雖然高第初期既作品作風冇咁大膽, 但係都可以見到佢設計既精緻

屋內比較暗

唯獨天台既煙囟依然係色彩繽紛

又有agnes b

 

行完桂爾宮, 途經Placa Reial國王廣場

呢度既街燈係Gaudi取得建築師執照後第一件作品....其實唔係刻意黎呢度...但總係每處地方都離唔開Gaudi...

呢間係百年老牌甜品店

不過高朋滿座...冇緣一試

反而誤打誤撞黎左呢間西班牙"快餐店"

門口真係寫住食fast food架! 但裏面既裝修話係高級餐廳都有人信囉...

好靚既天花璧畫

就係呢隻Damm Lemon...好好味! 有D似Jolly Sandy

飲杯野...食個即叫即炸薯條...就要結束今次旅程喇!

返酒店攞返行李, 就搭火車去機場...旅遊書話由火車站去機場大約20分鐘
所以我地3pm先出發去機場 (諗住去到3:30pm, 都仲有大把時間退稅, check in丫)
點知...原來去機場既火車係25分鐘一班...去到miss左一班就有排等...
真係心急如焚呀!!
去到機場, 仲要搭shuttle bus去Terminal 1... 原來架shuttle bus由Terminal 3去Terminal 1都幾耐架!!!
好彩最後都趕得切啫! 真係一額汗...

至於退稅都幾快, 冇check過...但入到閘後要再蓋印...就搵黎搵去都搵唔到個counter...
原來佢同找換店係同一個counter (tax refund個牌只得A4紙咁大)

終於順利上機...先飛去倫敦再轉機

又再黎倫敦機場...今少少野再上機

呢杯homemade beer...我覺得好難飲

Fish & Chips都麻麻地

12日英倫巴塞之旅完滿結束喇~ 多謝收看!

~完~