♥紫藤の約定♥ ~ Day 2 (Part I) ~ 吉祥寺

2016年5月2日 (一) (晴)

{八幡吉祥寺 > 河內藤園 > 小倉 > 旦過巿場 > 小倉城 > 禪 > 一蘭 > 福岡屋台}

第二日一早起身, 食過簡單既早餐就出發喇!

之前一晚喺7-11買定...三文治D蛋得半塊, 有D搵笨

明太子飯團既紫菜都唔脆 (冇台灣7仔咁好味), 但明太子味唔錯

白桃布甸都好味!

喺香港預先買定既山陰山陽線pass

比起當地買每張平幾十蚊港紙, 又唔駛雞同鴨講, 好方便! 

只要去到博多JR站 (或有其他指定JR站) 搵返負責山陰山陽線既counter換飛就可以喇...

我地行足三個綠色counter先搵到...

至於山陰山陽線包括既站都幾廣泛架!

詳情可以睇返官網

第一站會去八幡吉祥寺

之前search到吉祥寺都有紫藤睇, 而且去河內藤園都順路, 所以順便去埋

我地先搭JR去到黑崎站, 再轉75號巴士喺明治町団地落車, 再行大約15分鐘就到喇!

落車時, 有兩位婆婆同我地一樣係去吉祥寺

但佢地都唔識行, 反而問我地路

我地邊睇住google map, 邊一齊行...

沿途見到人地既庭園都打理得好靚呢~

終於黎到喇!

剛剛前一日完左藤祭

諗住有藤祭, 即係應該代表藤花開得好燦爛啦!!

點知...

大部份既紫藤都已經謝晒...

後排既藤花好似開得密麻麻咁...

但其實已經謝左...

山長水遠黎到真係好失望囉!

行左個圈, 正準備走之際

原來另一邊有較遲開既白藤

終於見到藤花喇!! 真係好香呀!

好多巨型蜜蜂採花蜜...我都唔理得咁多...喺白藤下影影影

離開吉祥寺時, 見到門口有個婆婆擺檔賣水果

於是幫襯買左盒士多啤梨, 又甜又大粒!

跟住搭返車去八幡駅食lunch

求其入左間...係食鐵板同大阪燒既

全日文既餐牌...都係估估下

時間尚早, 仲未有客人...

叫左個鐵板豚肉蘆荀, 好夠味!

牡蠣大阪燒, 其實我對大阪燒麻麻地...因為好多時醬汁都會整到好酸

但呢度就較得啱啱好, 好好食!

裏面仲好足料, 有好多廣島牡蠣

鹽燒雞翼...D鹽都幾重手

因為之前既牡蠣大阪燒好好味, 所以再左另一款口味既大阪燒

裏面有八爪魚...有D似章魚小丸子既感覺...哈哈!

之後就出去排隊等搭shuttle bus去河內藤園喇!

好期待呀!