♥紫藤の約定♥ ~ Day 1 (Part I) ~ 海の中道海濱公園

2016年5月1日(結婚67個月) (日) (晴)

{香港 > 福岡 > Mystays Hotel Temjin > 海の中道海濱公園 > 天神地下街 > 蟹通}

早喺上年11月時HK Express推出22蚊一程既優惠

一早已經想喺今年5月去轉九州, 所以即管踫踫運氣

俾我買到一程22蚊, 一程780蚊既超值機票

仲要可以1/5出發, 連埋稅同行李, 兩個人只需 $3254!! 抵!!

終於等到出發喇!

第一次搭HK Express...喺T2入閘...

我地專登預早D諗住食定個大早餐先上機...

點知原來T2入閘後, 直接搭無人駕駛車去到閘口...

所有食肆都未開門....巧肚餓呀!!

終於等到7點美心開左門...第一時間去買個辛辣麵醫肚先

07:45準備起飛

搭廉航唔delay已經好恩惠...仲要早左半個鐘落機! 實在太驚喜喇!

每次黎日本都好欣賞日本人既細心...連擺行李都擺得咁整齊, 個個手柄都向外, 方便人攞呢~

一出機場就先搵呢架free shuttle去國內線轉地鐵

我地入住天神Mystays Hotel, 距離地鐵站口大約五分鐘路程, 都算好方便

原本行程安排都幾趕, 但因為早左落機, 各方面都好順利

所以可以慢慢坐低食個lunch先...

酒店樓下就係壽司店, 一於試下啦!

成間餐廳都冇客既?

我地叫左兩客廚師推介 3800円, 唔算平...

賣相都唔錯, 幾新鮮...隻蝦條尾仲識郁架!!

平時食親都係雪藏貨...第一次食咁新鮮呢~

跟住就搭車去海の中道海濱公園

原來個公園都幾大喎...

黎呢度既主要目的係睇藍蝶花...而家見頃 (即係適合觀賞時候) 喇~~

是日入場免費添~

呢度有好多遊樂設施, 真係好啱小朋友黎玩...淨係呢個彈彈床, 睇佢地都玩得好開心呢!

天氣非常好...公園既景色都特別靚!

花鐘

黎到花の丘喇...比我想像中少好多藍蝶花啊!

不過有D角度睇都幾靚既~

公園裏面呢幾日特別有美食車擺檔喎!

雖然係美食車, 但一D都唔hea...樣樣都好吸引架!

好似有A5和牛啦

土耳其美食同特長薯條

飛驒牛

我地就要啤一啤先!

跟住整返串飛驒牛串

唔係入口即溶, 但醬汁好好味!

必食夕張蜜瓜雪糕

雖然唔係好滑果隻, 但真係好濃好好味!

跟住就去左動物園區

D袋鼠真豪放

呢隻又係咁...

反晒肚肚好爽喎!

袋鼠BB飲奶

第一次見到水豚..佢地個樣好懵, 好得意呀!

其實佢地只用有條繩圍住, 同人好近, 但又唔會走出黎架喎!

仲有好多其他動物...

D馬仔食到冇晒草喇....

土撥鼠

行完動物區, 就去左個玫瑰園...五月係玫瑰盛開季節

見好多人都中個頭埋去索...我地又索下....嘩...係玫瑰精油既味呀!

唔好話玫瑰花梗係玫瑰味啦~~ 平時買既一支支玫瑰係唔會有咁香咁濃既味架!!

而且朵朵玫瑰都大過權頭...真係好少見呢~

好靚好香~~

仲有好多好靚既顏色

其他花都好靚...好似去左花展咁呀!

呢度係彩虹の丘, 應該四月時係最靚既...

去完呢個花花世界就出返巿區喇!

つづく