♥紫藤の約定♥ ~ Day 6 (Part I) 秘訪ゲゲゲ鬼太郎

2016年5月6日 (五) (驟雨)

{境港 > 鬼太郎村 > 岡山Aeon Mall}

黎到旅程既尾聲...但精彩節目仲未完喎!
今日會去我期待既境港鬼太郎村喇~
雖然我未睇過鬼太郎, 但有一次無意中睇旅遊節目介紹呢個地方覺得好得意, 就好想去喇!

連續幾日食左日式早餐...呢間終於有多兩樣選擇喇...

不過我都係食返和食...鍾意佢有條魚, 好似健康D

老公就食粥...好清淡

要去境港既鬼太郎村, 就要登上由米子開出既鬼太郎列車喇!

"靈"號月台~~ 出發搵幽靈啊~~

月台既每個角落都係鬼太郎同妖怪

所以想影下相就要預早去月台等車喇~

沿途每個站都會有唔同既妖怪名作為站名

呢個米子駅 = 鼠男駅

仲有其他妖怪站名好可愛

主角鬼太郎出場

除左月台, 當然唔少得鬼太郎列車啦!

一共有六款...想搭鬼太郎列車就要睇你好唔好彩喇~

Yeah!! 我地搭到鬼太郎同眼球爸爸列車呀!

列車裏裏外外都係鬼太郎公仔... 就算唔係粉絲都一定會狂影影影

一架列車有兩卡...另一卡就係眼球爸爸喇~~

其中一個中途站... (其他都影唔切呢~)

搭左差唔多一個鐘, 終於到左終點站 ~~ 鬼太郎駅喇~~

好興奮呀!

收集蓋印是常識吧!

一出站, 已經見到鬼太郎作者既銅像

成條鬼太郎村有成百幾個呢D妖怪銅像

要集郵就要慢慢搵喇!!

眼球爸爸既街燈

連路牌標誌都係鬼太郎... 令你可以完全投入佢既世界

其實成條街都係鬼太郎既商店

呢D鬼太郎酒喺Citysuper都有得賣

魚餅

各式各樣精品...買到你唔買

境港除左出名鬼太郎之外, 松葉蟹/女皇蟹都一樣唔可以錯過...

可惜松葉蟹要冬天先食到...所以唯有試下金賞既蟹肉可樂餅啦~

新鮮熱辣, 味道都唔錯!

仲有鬼鬼魷魚

造型好得意, 不過冇買黎食...

呢間舖可以買木製既鬼太郎名信片自己填顏色呢~

最後買左呢個集齊鳥取砂丘特色同鬼太郎公仔既擺設

沿途會有D紙版公仔影相

除左紙版, 仲有真人扮添~ 能唔能夠遇到就睇你運氣喇!

呢日三個出現既妖怪我都集郵成功!! Yeah~

行到有蓋商店街

呢度有鬼太郎作者 - 水木茂先生既漫畫展覽館

由於時間有限, 所以冇入去參館喇~

連渠蓋都咁靚...

就連廁所標誌都好得意...點解鬼眼爸爸要坐輪椅咁陰公啊! 哈哈~

仲有大家不能錯過既

妖怪食品研究所

好多隻眼球爸爸啊~~

眼球爸爸其實係和菓子

仲有圖示教你點樣呃like!

好過癮...哈哈~~

妖怪樂園其實又唔係咩遊樂場樂園...其實只係一間精品+Cafe

免費入場既~

裏面當然唔少得好多鬼太郎既公仔啦!

黎妖怪樂園必買呢度獨有既妖怪罐頭做手信

裏面係咩唔重要....er...其實係關東煮黎既...

最重要係有得玩有得食...

只要download佢個QR code scanner, 再scan一scan佢既QR code

對住罐罐頭, 就會彈D妖怪出黎, 好得意架!

黎到梗係要飲返杯鬼太郎咖啡啦!

因為好快要食lunch, 所以只係飲杯野算喇...

左: 熱古古力

右: 凍tiramisu咖啡

山陰限定鬼太郎 x Hello Kitty

我唔係鬼太郎粉絲, 所以好節制...公仔?? 影相當買左啦..

~待續~

♥紫藤の約定♥ ~ 序

♥紫藤の約定♥ ~ Day 1 (Part I) ~ 海の中道海濱公園

♥紫藤の約定♥ ~ Day 1 (Part II) ~ 蟹の盛宴

♥紫藤の約定♥ ~ Day 2 (Part I) ~ 吉祥寺

♥紫藤の約定♥ ~ Day 2 (Part II) 夢幻般的紫藤

♥紫藤の約定♥ ~ Day 2 (Part III) - 高級壽喜燒

♥紫藤の約定♥ ~ Day 3 (Part I) 天氣不似預期

♥紫藤の約定♥ ~ Day 3 (Part II) 倉敷三井Outlet

♥紫藤の約定♥ ~ Day 4 (Part I) 走進江戶時代

♥紫藤の約定♥ ~ Day 4 (Part II) 岡山城

♥紫藤の約定♥ ~ Day 5 (Part I) 砂的迷思

♥紫藤の約定♥ ~ Day 5 (Part II) 日本的砂丘