♥紫藤の約定♥ ~ Day 5 (Part II) 日本的砂丘

2016年5月5日(四) (晴)

{倉敷 > 米子 > 鳥取砂の美術館 > 鳥取砂丘 > 福ふく万葉牛 > 米子}

去完砂の美術館, 就行返上去觀景台果邊買飛搭吊車去砂丘喇~~

搭吊車前食返杯鳥取特產 - 梨軟雪糕先!

跟住就買吊車飛... 我地又再一次傻左...買左來回票...

其實買單程就得架喇~ 一陣就知點解...

呢架吊車冇安全帶, 甚至連一條圍欄都冇...

應該都好安全...睇下右邊個女仔打橫坐喺度幾輕鬆...

話咁快就到左砂丘喇!

我最想就喺試下騎駱駝呢~

去到駱駝啱啱休息梗...於是排隊等下...

 排到去先知原來只限12歲以下小朋友先可以騎住駱駝行一圈

大人只可以騎上去影相咋...

咁影相都照殺啦! 無謂辛苦左隻駱駝呢~

沙漠睇電視就睇得多...親身感受都係第一次呢~

雖然呢度冇沙漠咁大...但感覺都好特別呀!

行平路都還可以...

要行上砂丘既"馬脊"就有D吃力喇~

因為每行一步, 砂都向下沉, 又退後一步...重覆又重覆終於上到頂喇...

呢度仲有人玩滑翔傘...好似幾好玩咁...不過好快就會降落架喇...

坐喺度風住海風, 真係幾舒服...唔捨得走呢~

回程時要行返差唔多有70度斜既砂丘...真係有D驚架...

仲擔心自己會唔會滑左落去...原來擔心係多餘既

因為D砂住啜住對腳...想行得快都幾難呢~

有人帶埋滑砂板黎滑砂, 應該好好玩呀!

天氣真係超級好...

臨走前去左砂丘會館逛一逛...

比佢既海鮮丼吸引左...1800円有成十種海鮮, 唔食對唔住自己啦!

雖然差唔多5點幾, 都仲要食返個late tea/early dinner先!

原隻女皇蟹, 甜蝦, 蟹肉, 海膽, 油甘魚, 三文魚, 八爪魚, 魚子, 玉子等等...

又鮮甜又好味! 不能錯過呢~~

其實喺會館門口就有巴士站返鳥取駅, 但因為我地買左來回吊車票,

又要就番巴士時間, 所以都幾趕下...

返到鳥取, 我book左今晚食燒肉...

由JR站行去餐廳大約15分鐘, 一條直路都好易搵...

沿途有好多鳥取特色既圖案

好快已經搵到福ふく餐廳喇!

主打万葉牛...係鳥取最有名既牛

老闆話好多神戶牛其實都係由鳥取呢度運過去呢~

舖仔細細...只有四張餐+一張bar枱

所以黎之前一定要book位啊!

舖內貼左好多名人簽名

我地叫左個牛拼盤...只係4000円咋!

仲有埋牛既部份介紹

除左牛, 呢度另一賣點係炭爐燒...原始風

不過抽風系統就麻麻地...食完成身烤肉味

例牌啤一啤先!

主角出場...好靚紋路既牛牛呀!

牛牛本身用左鹽同胡椒調味...所以都唔駛額外點醬汁lu

好好下飯

油份甘香細密... 一個唔留神D火就燒到咁大喇...

面層燒到微焦, 脆脆的, 內裏仍然入口即溶...超好食!

睇見到流口水呀!

再叫左碟雞拼豚肉

原來鳥取雞都好出名, 真係好滑好好食!

最後想encore碟牛, 叫老闆推介...佢話係Calbee味...

聽到R晒頭...黎到..."哦~ 係咪即係BBQ sauce呀?"

呢碟一樣不得了...靚到呢~~~ 個汁又好好味...無得頂!

加杯梅酒梳打...食到捧住個肚走...

再到米子....啊...終於住返間正常酒店喇...

喺JR駅買既金賞抹茶芝士蛋糕

抹茶味好濃...不過嫌佢外層既餅太太太硬喇...

~つづく~

♥紫藤の約定♥ ~ 序

♥紫藤の約定♥ ~ Day 1 (Part I) ~ 海の中道海濱公園

♥紫藤の約定♥ ~ Day 1 (Part II) ~ 蟹の盛宴

♥紫藤の約定♥ ~ Day 2 (Part I) ~ 吉祥寺

♥紫藤の約定♥ ~ Day 2 (Part II) 夢幻般的紫藤

♥紫藤の約定♥ ~ Day 2 (Part III) - 高級壽喜燒

♥紫藤の約定♥ ~ Day 3 (Part I) 天氣不似預期

♥紫藤の約定♥ ~ Day 3 (Part II) 倉敷三井Outlet

♥紫藤の約定♥ ~ Day 4 (Part I) 走進江戶時代

♥紫藤の約定♥ ~ Day 4 (Part II) 岡山城

♥紫藤の約定♥ ~ Day 5 (Part I) 砂的迷思