♥2016 Oh My Christmas!! (Day 5)♥

16 December 2016 (五) (晴)

{Munchen > Zugspitze 楚格峰 > Wittelbacher Platz 聖誕巿集 > Rindermarkt 聖誕巿集> Hofbrauhaus}

呢間酒店既早餐都幾豐富! 連德國名物Bretzel都有得食...不過呢個就咸到呢~~~

是日出發去楚格峰一天遊...所以天都未光就出發喇!

搭7:32am班火車

上到火車, 查票員問我地既目的地去邊 (一般唔會問的)

原來呢架火車係會甩卡架~ 所以真係要睇清楚先好上呢!

我地既中轉站就係呢度喇! ↓

因為已去到雪山區...所以一落車已經feel到股寒氣

我地要再轉齒輪車先可以上到山, 而呢程車費係pass唔包既, 所以要另外買飛

我地既路線係先搭火車到Garmisch-Partenkirchen, 再轉齒輪列車到Zugspitzplatt 2600m, 

之後就搭吊車上Zugspitze 2962m, 回程就搭返吊車去Eibsee轉火車回Garmisch-Partenkirchen, 再轉火車返慕尼黑...聽落好似好複雜, 其實咁樣行就不走回頭路喇!

就係呢架車喇!

沿途見到一遍雪景已經好興奮喇!

坐右手邊可以見到Eibsee

終於上到Zugspitzplatt 2600m, 不過呢度未算最高喎....

我地先喺呢度玩陣先... (呢個決定絕對係正確既...因為之後發現山頂係咩都冇得玩既)

天氣超好...太陽曬住仲覺得有D熱添!

見有小朋友玩sledge...我地又想玩埋一份...hehehe

於是我地又租左一個玩

點知我第一瀡就.... 真係瘀到呢~~~ 哈哈!

瀡完又行上斜坡...來來回回都玩左好多次...玩到都幾攰架!

跟住就做例牌動作, 寄明信片喇~ 話晒呢度係德國最高既郵局嘛!

之後我地就搭吊車上德既既最高峰Zugspitze 2962m

明信片景

12月都冇乜積雪...真係有D擔心...

不過幸運既係難得有咁好既天氣, 可以見到連連山脈呢~

上到山頂有零度...唔怪得冇雪啦~

楚格峰就係德國同奧地利既分界...一邊望向德國...一邊望向奧地利

喺山頂上食個簡單既lunch...牛肉濃湯依然好味!

跟住就搭返吊車去Eibsee

Eibsee既風景都好靚...不過如果沿住湖邊行, 足足要行幾個鐘呢~

所以我地只係影張相就要走lu...

返到慕尼黑...去左Blogger介紹既Wittelbacher Platz 聖誕巿集

呢個聖誕巿集好特別, 全部既佈置, 服飾都係中世紀時期, 而且仲有好多美食添~

好似呢杯mulled wine on fire就係淨係喺呢度先見到喇! 上面果粒係方糖, 所以唔會太嗆喉, 好味喎!

好似攞住隻火杯咁...

雖然呢隻杯冇聖誕圖案...但老公竟然話想帶佢返屋企喎...

可能係因為當時既環境/杯酒既味道都好值得佢紀念啦!

佢仲話第時萬一我失憶...可能都係靠睇返隻杯記返起野...(未免太誇張了吧! 哈哈!)

真係好多特色食品喎...不過因為我地之後仲要去食飯...所以唔敢食太飽

見到好多人食炸物...於是我又買一塊

裏面原來係煙煙韌韌, 又有D似薯仔, 再配埋蘋果蓉..好好味!

跟住再去另一個Rindermarkt 聖誕巿集

呢度有一個特別既聖誕裝飾...好靚呀!

晚餐就係去左呢間最大既啤酒館, 呢度只可walk-in, 

仲要係冇人帶位, 要自己搵/等位既

餐廳裏面坐滿客人...侍應們個個都好忙碌咁...一人攞住八杯啤酒行黎行去...氣氛好熱鬧呢!

1L既Radler (檸檬啤酒)

前一晚既豬手太大隻...所以今日食豬腩仔