♥結婚6週年 之 沖繩嘆世界 (Day 5)♥

2016年10月5日 (三) (時晴時雨)

{首里城 > 國際通 > 回港}

大半年冇寫過Blog, 原來真係會冇動力寫...呢個沖繩之旅差一日就完成

唔想爛尾...都係寫埋佢啦!

一早執好行李check out後就寄存喺酒店, 跟住我地就出發去首里城!

其實plan行程時諗左好耐...其實我對首里城興趣不大

但最後一日得半日行程...都唔知去得邊... 所以最後都決定去呢度

以為由單軌列車去好近...但原來都要行一段路...搵左一陣

初時仲有藍天

我對呢D歷史冇乜興趣...所以睇完就算

當中既故事由來...已經忘記晒lu...哈哈

買門票入場

買完飛就落大雨...好彩係喺室內參觀啫

似足中國既建築

連洗手間既水嚨頭都好有特色

時晴時雨既天氣都幾辛苦...又濕又熱...

去完首里城就返去行國際通
買手信最後衝刺喇!

梗係要買返沖繩限既既Pablo啦!

紫薯味都唔錯!

仲有鹽屋

幾乎每款唔同口味既鹽都試晒!

加落雪糕又幾得意喎~

求其揀左間餐廳食lunch...

見佢寫住石垣牛專門店, 諗住食晒好既先上機

點知就入左間黑店

入到去侍應唔多... 等左一陣先有人招呼...個心都驚驚地

我地叫左一個火煱, 一個燒肉餐, 仲有四杯啤酒

黎左四杯啤酒之後

等左好耐都未有野食...要知道火煱同燒肉都係生既, 已經唔駛佢煮, 但都等好耐

見到其他枱既食客, 有D催單, 有D走人...

我地又要去機場...所以最後都冇食就埋單走喇...

唉...估唔到最後呢餐竟然遇上黑店... 真係唔做功課係唔得架! (由其係帶埋父母去旅行時)

好彩父母冇埋怨, 唯有去到機場先簡單食個麵啦~

今次沖繩之旅雖然有D阻滯...但最梗要係一家人開開心心去旅行呢!