♥2016 Oh My Christmas!! (Day 7)♥

18 December 2016 (日) (雲)

{Salzburg > Hallstatt}

呢日將會去我其中一個最期待既地方

亦係人生必到小鎮之一 Hallstatt

買左來回火車票...都幾貴呢~

喺火車站買左腸仔牛角包上車食

沿途風景好靚~好治癒啊!

唔經唔覺已經到左Hallstatt站喇~ 不過仲未到目的地既...

要跟住指示行去搭船

上船後行去船尾影相

到喇到喇!!

我地book左呢間酒店, 就係對正廣場, 由碼頭行1分鐘就到, 超方便!

裏面都好大

唔捨得book湖景房/露台房...但都睇到小小湖景...

呢度就係小鎮既小廣場喇!

係時候去醫肚先! 廣場呢度都有幾間餐廳...呢間好似最多野揀喎...就呢間啦!

去到歐洲除左飲啤酒, 就好想飲古古力架喇~ 呢杯加左酒...好好味!

Hungarian beef...話晒黎到東歐, 都要食下東歐菜既...

呢個匈牙利牛肉, 好啱我胃口呀! 不過呢份係老公叫既...後來先知原來人地俾漏左麵包佢...

咁多汁嘥晒~

我既Rainbow trout 彩虹鱒魚, 皮脆肉嫩, 都唔錯!

不過黑森林蛋糕都係要喺黑森林先好食~

食飽飽週圍行...Hallstatt小鎮好細...唔需要地圖都唔會盪失路

行到去教堂

大肥貓咁多毛, 應該都唔怕凍卦

小鎮上, 每個門口都各有特色

明信片位

呢間賣好多唔同造型同味道既香皂

皂

行下行下就去左另一端既碼頭

行完返酒店唞唞....見到房內多左件mini cake喎...

夜晚出面好多餐廳都好早收, 所以一早book定留喺酒店食晚餐

呢個...擺明係抄獅子頭啦...

其實呢日天氣預報話7pm會有陣雪...所以一邊食飯, 一邊望住窗口

突然見到天上有野飄落黎...初初以為落雨...望望下見到地上鋪左一層白色

心裏面就好興奮~ 拿拿聲出去玩下雪啦~

雖然我知呢場唔係初雪, 但原來睇住D雪慢慢飄落黎...由零到有...全部野都鋪上白色...

感覺真係好浪漫呢~ 哈哈!