♥2016 Oh My Christmas!! (Day 8)♥

19 December 2016 (一)  (晴)

{Hallstatt > Salzburg}

第八天, 食個豐富既早餐...呢間酒店既早餐都算多元化, 味道都唔錯呢~

不過有人話呢個麵好難食...睇個樣都知啦...好似未煮過咁...

前一晚落左一晚雪...今日天氣非常好, 個天好清...

意外收穫係山上鋪滿一層白雪...好靚呀!!

行到酒店後面, 係對住個湖...夏天會放D枱櫈俾客人坐...

好Relax...

酒店後面外觀...黃色既外牆好sharp呀~

既然咁好天, 梗係要再出動去影相啦!

影呢張相時扮寫意...實情要坐喺結冰既櫈上好鬼凍呢~~ 哈哈!

地上都仲有雪

好靚既仙景...

藍天 + 白雪 + 彩色屋仔 = 靚景

原來呢間舖仔星期日休息...今日先開舖, 幫襯佢買左個磁石留念

再翻兜噚日果間食Lunch

我叫左噚日老公食既匈牙利牛肉, 今日有跟麵包呀!

食完lunch, 俾原定時間早, 所以都係早d返Salzburg喇!

雖然呢個小鎮細細...但環境真係好舒服...加上冬天既寧靜...好鍾意呢個地方!

不過有朋友剛剛十月頭去過, 話好多遊客...相信夏天就冇咁寧靜lu...

鏡頭一轉, 已經返到熱鬧既Salzburg喇!

呢個係另一個洗馬池...

見到相中著黑衫既人嘛? 我見佢將左身上厚厚既外套, 頸巾同冷帽

再爬上去石膊上...以為佢想表演 (加上佢著到全身黑色, 好似特技人咁)

原來佢只係影張相既遊客...哈哈...

有個心心既蘋果

3D汪星人cushion好得意呀!

見到有得賣Raclette已經流晒口水喇!

因為細個睇飄零燕時, 成日見到爺爺燒熔舊芝士放喺麵包上俾海迪食...

海迪又食得鬼咁滋味喎...真係好想試下...

我終於有機會試到喇! 真係好好好食呀!!

喺德國奧地利都經常見到呢間舖頭...

似係Franc franc既家品店...價錢又唔貴...好鍾意行!

夜晚去呢度食飯...主要係俾佢既dry aged beef同甜品吸引左

呢個湯係唔知咩百香果橙咩湯....um...係有D怪既...

南瓜湯好飲好多...

呢間食dry aged 梗係要食扒啦~

我地叫左一塊西冷, 一塊肉眼...都唔錯

加個risotto超飽

但黎到都要試試奧地利名物"雪山"

其實似梳乎厘...好似一陣風咁...下面就有D莓呀...果醬呀咁...都幾甜...

試過就算喇...