早幾日心血來潮想做個蘋果批... 咁啱奶奶早排買左D蘋果俾我地, 其中一個仲係大大個既青森蘋果添~ 一於用佢黎做個青森蘋果批啦~
材料：
青森蘋果 一大個 （細蘋果可用兩至三個）
砂糖 6茶匙 (視乎蘋果酸甜程度而調味)
玉桂粉 1/2茶匙
急凍酥皮 1包
蛋黃 1個
牛油 少許
清水 150ml
糖霜 隨意
做法：
預熱焗爐至攝氏200度。
將酥皮放在室溫變軟備用。
先將蘋果洗淨刨皮，順便就介紹下我地個刨蘋果皮器啦～ 放個蘋果喺中間軸心
好似刨鉛筆咁攪動手柄...唔駛10秒，就將蘋果皮刨得乾乾淨淨喇!! 呢個刨皮器仲令哈米波波愛上食蘋果添...哈哈!!!!
刨皮後將蘋果切細粒，備用。
將牛油放入煎pan內煮熔，加入蘋果粒兜勻，再加水、玉桂粉和砂糖煮滾，再蓋上蓋煮大約15-20分鐘至收水成濃杰汁，蘋果煮至半淋，熄火。
將一半的酥皮碌平放在焗盤上，掃上蛋汁，用叉拮上小洞。將煮好的蘋果放在上面。
另一半酥皮切成條狀，好似織藤籃咁...鋪上焗盤上，再掃上蛋汁，最後在四邊收口，用叉沿住邊邊壓，以防漏餡。
將蘋果批用200度焗大約15分鐘至金黃色。完成!
食前可灑上糖霜裝飾。
食後感：今次焗得耐左Ｄ，但蘋果味道調較得啱啱好～ yummy!
wah! 我想買你個刨apple器呀~~~~ 邊度買ga? how much? 用後易唔易清洗的? 同埋呢, 係咪要刨你上面果款apple先順暢的? 如果刨蛇果得唔得呢? 即係拜神果d apple呀~
回覆刪除[版主回覆02/23/2011 11:32:00]哈哈...係咪好過癮呢~ 我地喺永安百貨買架... 大約七十幾蚊, 應該吉之島, citysuper果d都有得賣架... 用完就咁用水清洗晾乾就得架喇... 係呀! 要買d圓d既蘋果先得架, 蛇果刨得冇咁乾淨囉~
apple機我都要買番個先, 你真係好叻呀... 樣樣甜品都難唔到你
回覆刪除[版主回覆02/23/2011 14:36:00]嘩....唔好咁講~ (真係失禮晒!) 可能係睇得唔食得架~ 哈哈!! 你煮既西餐都好吸引呀!
你個 刨蘋果皮器好正呀～等我都去睇下買返個先 個批整得好靚呀～～～
回覆刪除[版主回覆02/23/2011 17:23:00]真係幾方便架!
嘩, 賣相好靚呀, 我都整過一次雞批, 但賣相好肉酸, HAHAH!!
回覆刪除[版主回覆02/24/2011 10:37:00]你果個有內在美咪得囉...
我阿媽都買過呢個刨呀~~唔知仲o係唔o係度呢~?
回覆刪除整批一般會用青蘋果酸酸地~不過紅蘋果我一樣咁愛~^0^
[版主回覆02/24/2011 12:34:00]我就鐘意甜d, 所以酸都會加多d糖...哈哈!!
我好鍾意個刨蘋果器呀? 係邊一度買架?
回覆刪除[版主回覆02/24/2011 15:28:00]我喺尖東永安百貨買架... citysuper都見過...
賣相好靚應該好好味.
回覆刪除[版主回覆02/24/2011 23:37:00]咁就要留返D幻想空間俾你喇~
星期６晚有萍果比現睇嗎？ＫＥＥ。。。
回覆刪除[版主回覆02/28/2011 23:43:00]蘋果批就冇喇, 可以表演批蘋果俾你睇... 哈哈!!