拍拖14週年煮左個快捷西餐, 好多人以為煮西餐就好複雜, 但其實只要花d心思, 都可以好簡單, 又好味架!
{我要註明我都係新手入廚, 其實好多野都唔識, 只係想記低自己既入廚經歷, 如果程序有錯, 請多多提點小玲啊!}
牛油果蘋果蝦沙律
材料:
牛油果 1個
蘋果 半個
急凍蝦 6隻
沙律醬 適量
做法:
1. 牛油果要買深啡熟透的 (或預早幾日買定), 切一半去核, 筆出果肉切粒備用
2. 煲滾水烚蝦, 煮熟後撈起放入冰水中, 放涼後切粒
3. 蘋果去皮切粒
4. 將牛油果粒, 蝦和蘋果加沙律醬撈勻, 放回牛油果中即成!
蜜汁煙鴨胸沙律
材料:
即食蜜汁煙鴨胸 (在P記超市買的)
沙律菜
意大利黑醋
做法:
將煙鴨胸解凍切片, 放在沙律菜上, 加上意大利黑醋即成!
烤露絲瑪莉火雞意大利雲吞配香辣蕃茄醬
材料:
烤露絲瑪莉火雞意大利雲吞 (在Citysuper有售)
香辣蕃茄醬
做法:
1. 煲滾水煮雲吞7分鐘 (包裝袋上有寫時間), 撈起隔水
2. 煮熱蕃茄醬, 再加入雲吞一同撈勻即可!
食後感: 今次多數都係買d即食野, 所以一定會好味... 特別推介蜜汁煙鴨胸, 好方便!! 而且呢餐係少肉多菜, 感覺好健康呢~!
有時用即食野都冇所謂丫 最緊要食得開心 食得健康
回覆刪除[版主回覆08/04/2011 10:20:00]冇錯冇錯! 多謝支持!
嘩!!!14年...好勁呀!!!
回覆刪除我同老公下個月就拍拖12年喇^^
好強呀!!!雖然話多數野係即食....不過要配搭得好都唔容易,你好叻呀!!!
[版主回覆08/04/2011 10:01:00] 你真係識氹人架啫~!
嘩.....你既傑作, 真係越黎越掂, 犀利呀!!
回覆刪除[版主回覆08/04/2011 11:18:00]因為今次全部都係即食野嘛...哈哈!!
14 週年!!!! 好厲害呀.....你同honey經歷左咁多年.....好勁!!!! 簡易西餐都唔簡單喇!!!
回覆刪除[版主回覆08/04/2011 14:04:00]希望會一齊渡過更多更多既14年啦~!
快靚正!!
回覆刪除[版主回覆08/05/2011 09:51:00](Empty)
14 ? 勁 !!
回覆刪除[版主回覆08/05/2011 11:27:00]點解勁呢? 哈哈~
我最中意最後果個！
回覆刪除想試整！
其實都中意 牛油果蘋果蝦沙律， 不過我依傢唔食的沙律醬...
[版主回覆08/05/2011 12:21:00]意大利雲吞相當容易...快d試下啦! 蕃蓉可以自己整添~
14週年呀~~ 我有排都未追到呀~~~ 你煮既野睇落幾好味喎....
回覆刪除[版主回覆08/05/2011 23:12:00]雖然拍左拖咁耐, 但啱啱先開始新婚生活...仲有好漫長既路要行呢~!
nice you always make something different!! 拍拖14週年<--- you two must have really been through a lot together!! :)
回覆刪除[版主回覆08/05/2011 23:10:00] 我成日都要貪新鮮嘛~ 希望仲可以發掘下D新野啦!
細細聲講比你知吖 ......我未食過牛油果架 睇完你整又唔錯喎~下次得閒又試下先
回覆刪除[版主回覆08/07/2011 20:05:00]牛油果基本上冇乜味道既....所以唔係個個人都鍾意食架! 不過加埋沙律一齊食都幾好架! 又有益...可以試下呀!