芝士雪芳蛋糕

我好鍾意食所有海綿蛋糕, 蜂蜜蛋糕, 牛油蛋糕.... 就算冇任何生果或忌廉, 我都可以食晒成個架! hehe...

噚日突然間想食蛋糕, 見之前喺報紙剪落黎馮美基教整芝士雪芳蛋糕, 於是就試下整喇!

其實材料同做法都同之前做既日式芝士蛋糕係一模一樣, 只係份量唔同, 所以出黎既質地亦唔同!

芝士雪芳蛋糕 (馮美基食譜放大圖)

芝士雪芳蛋糕食譜

材料:

牛奶　　　60g
忌廉芝士　40g
牛油　　　25g
麵粉　　　65g
蛋黃　　　4個
蛋白　　　4個
糖　　　　100g
鹽　　　　少許
塔塔粉　　1/8茶匙

做法:

1. 將牛奶, 忌廉芝士和牛油用熱水坐熱, 攪勻至濃稠, 然後移離熱水, 加入已篩過兩次的麵粉攪拌, 再加入蛋黃拌均 (麵粉一定要篩兩 加入已篩過兩次的麵粉攪拌, 再加入蛋黃拌均 (麵粉一定要篩兩次, 使效果幼細, 不會在攪 再加入蛋黃拌均 (麵粉一定要篩兩次, 使效果幼細, 不會在攪拌時起粒)

2. 將蛋白放入另一個器皿中, 以打蛋器打至起泡, 再加入糖, 鹽和塔塔粉, 打至企身 (塔塔粉有助蛋白打起, 蛋白不可有 鹽和塔塔粉, 打至企身 (塔塔粉有助蛋白打起, 蛋白不可有任何蛋黃液, 如沾有蛋液, 是打不起的, 所以最好逐隻蛋分開隔起蛋白和蛋黃)

3. 將已混合好的芝士料放入蛋白中, 用膠撥將兩者混合均勻, 大動作攪拌, 可使蛋糕焗起來更鬆化, (嫌芝士味單調的話, 可在這個步驟中加入1湯匙即溶咖啡粉, 咁就造成咖啡芝士雪芳蛋糕喇!

4. 將混合物倒進9吋的雪芳蛋糕烤盤裏, 放入焗爐以175度焗35-40分鐘, 蛋糕焗盤可選用中間透氣的, 這種焗盤能均勻發熱, 蛋糕才能焗起

5. 焗好後, 將整個烤盤取出後倒轉放在蛋糕網架上, 冷卻約30分鐘, 才用鐵針靠邊位篤鬆蛋糕並取出

食後感: 整出黎同佢既完成品都有少少出入, 唔知係咪因為我唔係用中間透氣模, 所以焗出黎冇咁高? 不過都幾鬆軟, 芝士唔係太濃, 感覺上冇咁heavy...但我跟足佢用100g糖, 我就覺得甜左D, 但哈米波波就話OK! 所以如果唔想食太甜, 可以減少少糖呢~

小插曲: 呢個食譜要做4隻蛋黃, 蛋白, 要知道蛋白係唔可以沾半點蛋黃, 如果唔係就打唔起... 當我小心奕奕地打到第4隻蛋時, 個心一邊諗千祈唔好衰呀!!! 點知就真係衰俾我睇.... 又要再從頭打過....真係激死人!!!