早排睇返"為食一條街"介紹左一款美食叫"Egg in the hole", 睇到我流晒口水...於是我就試下自己整黎食先!!
不過我將佢變成"Egg in the heart"
材料:
厚切方包 1片
雞蛋 1隻
牛油 適量
鹽 少許
胡椒 少許
做法:
1. 預熱焗爐160度
2. 用心形模將方包中間cut出心形, 並搽上牛油
3. 焗盤上鋪上牛油紙, 放上方包, 心形窿搽少許牛油, 再把雞蛋打在中間
4. 放入焗爐焗7分鐘
5. 灑上鹽和胡椒調味即成!
食後感: 雞蛋焗得半生熟, 而且攞起多士時, 雞蛋亦唔會跌出來, 好有趣...hehe!! 蛋汁加上多士, 好味道~
P.S. 相片後面果樽係"蝦味牛油", 購自Citysuper, 有少少咸蝦味, 都幾得意... 唔知係咪即係西方蝦醬呢? 哈哈!
嘩!!呢個真係好得意呀!!
回覆刪除睇落都唔係太難整喎...第日可以試吓^^
[版主回覆08/08/2011 10:00:00]呢個好容易架咋...冇焗爐都可以用煎既方法!
可以用煎!!
回覆刪除我屋企都有焗爐(放係度裝飾....用過兩次咋>~<),我諗我會鍾意煎多D...因為我鍾意隻蛋少少燶呀
[版主回覆08/08/2011 11:47:00]我就鍾意焗, 方便d, 一次過可以焗兩塊~
嘩．．．．中間有個心型蛋，好正者！！
回覆刪除[版主回覆08/08/2011 14:37:00]如果個心形cut大d會好d...不過我冇咁大個心型模...hehe
egg in the heart, so sweet
回覆刪除[版主回覆08/08/2011 17:14:00]我都送個 你喇!
我一定要試下呢, 好sweet啊
回覆刪除[版主回覆08/09/2011 10:07:00] 你既Egg Benedict仲吸引啦~!
好得意呀!~ 你果隻蛋咁細隻既? 係咪"暗"春蛋嚟ga?
回覆刪除[版主回覆08/09/2011 14:45:00]真係好觀察力喎! 呢隻蛋係比一般蛋細架...
好sweet呀~~!!! 老公睇見都甜爆~~
回覆刪除[版主回覆08/10/2011 15:14:00]唉...男人邊有咁易氹丫!! 佢淨係話好得意咋....如果有人整俾我食就真係sweet爆喇...我!! 哈哈~