今次買左Kenwood HB724, 多左兩個配件... 暫時都好鍾意...希望唔好咁快壞啦!
今次就整粟米濃湯黎試機... 買左6枝新鮮粟米, 用粟米刨去粟米粒
加一碗雞湯, 一碗水煲滾後, 再放粟米粒滾起... 放鹽和胡椒調味, 略為放涼後用Kenwood專用的soupXL pan blender, 膠身外殼, 唔怕刮花個煲, 而且有個特闊遮蓋面, D湯唔會彈到週圍係... 之前Philips果個就做唔到喇~
攪十幾秒就Ok喇! 最後加入少許淡忌廉就完成喇!!
另一樣要測驗既就係整薯蓉, 雖然薯蓉平時都係用叉黎壓蓉, 但今次要試下呢個新設計, 又係只需十多秒就可以整到滑滑薯蓉喇...
食後感: 記得去北海道旅行時, 最鍾意就係喺自動售賣機買熱辣辣既粟米湯飲... 真係好好味, 好難忘! 今次嘗試自己整, 好容易又好味!! 比起平時既罐頭粟米湯真係香甜好多!! 如果想更滑滑, 可以隔一隔渣... 不過因為我唔想浪費, 而家有D咬口都唔錯!
薯蓉加左我最鍾意既白松露...真係啖啖都咁yummy!!!
粟米刨幾好咁喎, 响邊到有得買?
回覆刪除[版主回覆11/14/2011 09:56:38]粟米刨喺Citysuper買的, 噚日睇"May姐有請"就教左個方法, 用匙羹柄喺粟米頂部推一行, 然後其他用手拆出黎都好快喎...
真係好方便又勁快喎~清洗容易嗎??
回覆刪除[版主回覆11/14/2011 09:51:11]清洗好容易, 只要開盤皂水, 然後開著部機轉十幾秒再過水就ok, 當然亦可以淨係拆個頭出黎慢慢洗啦, 只要手柄摩打部份唔好濕水就得架喇!
Kenwood 呢部我見HSBC WEB 有得買喎, 唔知抵唔呢?? 可唔可以用來打蛋架??
回覆刪除[版主回覆11/14/2011 12:16:34]哎吔...我地忘記左睇hsbc個web添~ 因為之前行過好多間電器舖都冇貨, 所以一見到有就買左....豐澤特價後871蚊...我用埋易賞錢都要600蚊呀!! 蝕左幾十蚊添... =P
可以用黎打蛋架!
好彩有用易賞錢.. 唔係就真係唔抵啦... 而家都唔係差好遠
回覆刪除[版主回覆11/14/2011 12:27:41]我之前都試過喺hsbc買野, 真係幾抵...以後都係上去睇下先買喇... >.<
好有興趣買呢部機添....等將來有自己屋先買...而家買完又要搬黎搬去...怕麻煩呢!!! 用黎做粟米湯咁方便又簡單....GOOD!!
回覆刪除[版主回覆11/14/2011 15:05:51]呢部機真係幾好用...(我都係唔建議買Philips) 好容易收藏架咋~搬屋都唔怕呀!
我未見過粟米刨架!!!!! 好方便喎, 洗唔洗好用力刨架??? 買番個等日整 BB 餸都好呀, 等我又叫我媽媽幫手先 :P
回覆刪除[版主回覆11/16/2011 10:29:05]都要用小小力架! 同埋我要刨兩次先刨到落底囉~ (老公大力d就ok), 但都好過我用刀劈開一碌碌... =p
我喺citysuper買架~ 你有冇呢d hand blender呀? 好好用...整baby food啱晒!!
嘩!!好正喎!!!!唔知點解望到你個粟米湯...但我諗起磨姑湯,正!!!
回覆刪除[littlekawai回覆11/21/2011 17:28:21]係!!!?我都有部blender...好似....都係kenwood(唔記得),不過得3個function,應該無得整湯...好想試吓呀^^
[版主回覆11/21/2011 17:11:18]磨菇湯既做法都係大同小異架咋~!
好多配件啊! 我們去日本又是超愛粟米湯, 不過未試過自已整 !
回覆刪除[版主回覆11/22/2011 09:48:47]原來自己煮都好方便架! 不過梗係日本既好味d啦~ 哈哈!
回覆刪除個粟米刨好用嗎？
回覆刪除[版主回覆08/31/2012 16:41:16]都幾好, 好過要我切囉