今日係結婚21個月, 一早plan左個特別節目, 點知前日打風, 好彩個颱風黎得快走得快... 冇影響我地既計劃!!
一早起身就搭船去南丫島... 去左土耳其餐廳食個lunch先! 雞肉串燒卡巴幾好味!
跟住就去今日搞花臣既地方 - Selling Point Glass Workshop
黎得玻璃工作坊梗係整玻璃啦! 我地揀左整玻璃碟, 同時間仲有兩pair情侶黎上堂, 佢地分別整玻璃相架同燒玻璃... Miss 首先介紹左造玻璃碟既程序同要注意既野, 我地就開始喇! 哈米波波因為冇乜設計天份同創意, 所以就參考左本圖案書, 做左串提子, 雖然簡單, 但我今日先發覺佢原來手工都唔錯架喎... 剪玻璃同燒玻璃既技巧都比我好, 所以我果個"&"字都係搵佢請槍既~ 哈哈!! 而我就整我最愛既希臘藍白教堂啦~ 原本呢個course係2小時, 但我地最後整左超過兩個半鐘先完成, 不過Miss好好人, 冇吹我地...
大家覺唔覺呢兩塊似瓷磚多過似玻璃碟呢? 因為呢個只係半製成品黎架咋! 因為燒玻璃製作需時, 所以要一星期後先可以返黎攞我地既作品呢~
埋頭苦幹左咁耐, 係時候tea一tea喇! 又去我南丫島至愛既Shelly Cake Express食蛋糕.. 我叫左個柚子乳酪芝士蛋糕, 味道清新, 柚子味酸酸地, 食落冇咁滯, 好味道! 而哈米波波就叫芒果芝士蛋糕, 芒果味超濃, 又不失芝士香味, 口感幼滑... 雖然好似好普通, 但我一邊食, 就一邊諗, 究竟點解佢可以整得好味道架呢? 如果我都可以整到佢呢個質素就好囉... 呵呵!
最後送上我地第一次既一家三口合照!
整玻璃，好似幾好玩咁喎！Happy 的紀念日！
回覆刪除[版主回覆07/02/2012 15:21:05]係呀...斷估唔到冇藝術天份既哈米波波都竟然有興趣陪我去玩呢~
so sweet ~
回覆刪除[版主回覆07/04/2012 10:51:10]香港實在太冇野玩喇...所以搵d野做下囉! 哈哈~
你地真係好鬼sweet. 我次次入去都想學下, 但攪攪下又無學...
回覆刪除有上必有下.. 下集係乜呢?? 自家煮??
[版主回覆07/04/2012 15:19:39]係呀...佢話要攞去個窰度慢慢燒架... 你都去玩下啦!
[Little Ting Ting回覆07/04/2012 12:47:05]下, 乜原來唔係即時有得拎架?
[版主回覆07/04/2012 10:51:52]no 喇~ 下集應該係我再入返去攞製成品啫...但唔知幾時入...哈哈!!
唔知個下係咪睇到製成品呢?
回覆刪除[版主回覆07/04/2012 10:52:12]聰明呀! 但唔知幾時入喎...
成品係點既樣ga?? 幾特別喎~
回覆刪除[版主回覆07/04/2012 10:52:43]未攞呀...要等一個星期... 但唔知幾時再入去...哈哈!
Shelly Cake Express o係邊？
回覆刪除我次次都係去食串燒對面果間！
[Dennis Kong回覆07/04/2012 13:30:07]係咩？咁我食過好多次lu！
我記得有一次我地6個人，叫晒所有味黎食！
[版主回覆07/04/2012 10:54:46]食串燒對面果間咪就係Shelly Cake Express (有間土耳其餐廳斜對面)囉~ 假日好旺場呢~!
好期待你既希臘藍白教堂呀~~燒完之後係玻璃,期待呀~
回覆刪除[版主回覆07/04/2012 11:20:34]你d美術咁叻..你都去玩下丫!
嘩要燒咁耐架~~~我以為好快就得添~~
回覆刪除貓貓好可愛呀!!!我感覺佢應該係活潑型~~
[版主回覆07/06/2012 10:32:13]係啦...我都估唔到咁耐呀!
哈碌活潑得黎又好斯文架~ 又肯俾人抱既乖乖貓!
咁。。。廿四個月會點慶祝呢？
回覆刪除[版主回覆07/06/2012 14:25:59]矛呀~ 老公巧多野做, 未必行得開啊... 所以都未豬呢
唔只卡巴吸引, 連burger都吸引!!!
回覆刪除做特別事慶祝特別日子, 有意思呀, 就快到2週年, plan左點慶祝未呢??
[版主回覆07/09/2012 12:35:53]時間過得好快呀... 仲未諗到兩週年去邊好啊~
貓貓好可愛呀!!!
回覆刪除[Dlee回覆07/20/2012 09:05:43]絶左了,8個月就可以絶架啦,等我今日又時間都upload小小肥Bell的相,宜家系肥妹!
[版主回覆07/19/2012 15:43:35]佢而家已經大隻左好多喇! Bell Bell都應該大個左好多啦~ 會唔會帶佢絶育呀?