之前介紹過元朗既韓之美食, 但呢間對我黎講就遠左D... 所以而家多數去較就腳既韓松園開餐
呢間店舖仔細細, 經常full house, 但奈何又唔夠人手, 得一個妹妹做侍應(有時會多個男人, 似係韓國人, 唔知係咪老闆呢), 所以有時有咩甩漏, 都唔忍心吹佢... 俾D耐性吧!
講得成日滿座, 就自然有佢既優點啦~ 除左食物唔錯之外, 仲有經濟實惠二人餐, 怕左揀右揀既我地, 通常都係叫套餐
呢間店舖仔細細, 經常full house, 但奈何又唔夠人手, 得一個妹妹做侍應(有時會多個男人, 似係韓國人, 唔知係咪老闆呢), 所以有時有咩甩漏, 都唔忍心吹佢... 俾D耐性吧!
講得成日滿座, 就自然有佢既優點啦~ 除左食物唔錯之外, 仲有經濟實惠二人餐, 怕左揀右揀既我地, 通常都係叫套餐
炆牛肋骨係必食之選, 牛肋骨雖然唔係入口即溶, 但都好夠淋, 又不失咬口, 重點係個湯底, 真係鮮甜無比, 加上紅蘿蔔同白蘿蔔入晒味, 次次都會連湯清晒呢~
海鮮煎餅, 海鮮得好少, 冇乜特別...
石頭鍋豬肉飯, 一上枱已經好香, 豬肉係切薄片, 唔韌, 好味!
有機會一定試吓/
回覆刪除[版主回覆06/17/2013 10:10:09]
妳每次介紹元朗餐廳，真係好羨慕妳地，我住個頭又冇選擇又唔好食
回覆刪除[版主回覆06/17/2013 10:09:04]元朗區真係好多小店食肆, 質素都唔差架!
近日都愛上韓食,睇running man 見到佢地食野....就好想食呀))))))
回覆刪除個鍋飯真係唔錯喎~
[版主回覆06/17/2013 10:06:56]我之前睇韓劇, 見佢地成日食烏卒卒既炸醬撈麵食到好滋味, 我都專登去試下架!
個鍋飯連隔離枱聞到都話"隔離飯香呀"
我都食過這間，食物都算幾好，上次食鐵板牛仔骨唔錯架!
回覆刪除[版主回覆06/18/2013 15:19:53]我都食過鐵板牛仔骨, 不過都係鍾意炆牛肋骨多D
炆牛肋骨, 有興趣試試,
回覆刪除如果TKO區都有咁多野食就好啦!!
[版主回覆06/19/2013 10:56:38]TKO要入黎元朗好遠啊... 不過而家TKO都開左好多食肆啦!
又係元朗既好野食喎，好介紹﹗元朗最近都好多開多左韓國野~~~
回覆刪除[版主回覆06/19/2013 10:57:40]知道呢度有好多元朗blog友, 所以專登blog一blog架!
咁二人餐又幾好喎! 乜都有d~!
回覆刪除