食粥 ~ 我都幾揀擇... 有骨唔鍾意, 內臟唔鍾意, 有薑唔鍾意, 有芫茜唔鍾意...
最鍾意食生記雞粥 (冇骨的)
元朗區最常去有三間, 發記, 新記同西關
我個人最鍾意西關粥品, 除左有我最鍾意既粟米雞粥之外, 其他小食都好出色呢~
夏天限定既檸檬荔枝蜜, 滋潤解渴!
呢個就係我最鍾意既冇骨粟米雞粥喇! 雞我唔識分新鮮定冰鮮, 只知道雞好滑, 去左皮冇咁肥, 新鮮粟米好有咬口, 再加上辣菜甫, 錦上添花!
最鍾意食生記雞粥 (冇骨的)
元朗區最常去有三間, 發記, 新記同西關
我個人最鍾意西關粥品, 除左有我最鍾意既粟米雞粥之外, 其他小食都好出色呢~
夏天限定既檸檬荔枝蜜, 滋潤解渴!
呢個就係我最鍾意既冇骨粟米雞粥喇! 雞我唔識分新鮮定冰鮮, 只知道雞好滑, 去左皮冇咁肥, 新鮮粟米好有咬口, 再加上辣菜甫, 錦上添花!
小食都有幾多選擇, 較有特式既就係呢個煎咸肉糉, 已經唔係度度有得食喇~ 呢度煎得好好味, 外脆內軟, 可以點砂糖食
仲有煎蝦米腸粉, 佢地既煎物好出色, 又係煎到卜卜脆, 煎完既蝦米味更加突出, 喜歡食香口既野朋友實鍾意呢~
仲有, 我都幾鍾意佢既餃子, 餡料係豬肉, 木耳同青瓜, 感覺清新... 除此之外, 呢度仲有出名既"粉仔", "咸湯圓"同"沙河粉", 不過都不是我杯茶, 都係叫粥好了!
西關粥品
元朗西菁街23號富達廣場118號地下
粥...我就真係麻麻，不過見有煎糭同煎蝦米腸又真係好岩我鐘意食香口野的人喎
回覆刪除[版主回覆06/18/2013 09:42:19]其實淨係食小食都好夠呀!
等我下次去下先，多謝介紹!
回覆刪除[版主回覆06/18/2013 15:25:31]元朗好多小店, 真係有排試呢~
我勁鍾意食粥! 不過我同妳相反 - 妳唔鍾意既野，我全部都鍾意!
回覆刪除我反而由細到大都唔鍾意食粽.....
腸粉我鍾意蒸，唔鍾意煎......睇來我同妳口味相差好多啊!
[版主回覆06/19/2013 11:00:33]哈哈...係呀! 我知你鍾意食內臟嘛~
不過我好鍾意睇你既食譜架! 清楚易明, 好多時都跟你整架!
好開心!! 多謝你黎留言呀!!
煎咸肉糉呀, 好少粥店會冇得賣架!!
回覆刪除元朗真係多野食
[版主回覆06/19/2013 11:00:53]呢樣比較特別呢~
水太太都好耐冇食雞粥喇，搵次去呢間試試先﹗
回覆刪除[版主回覆06/19/2013 11:03:07]我老公鍾意去發記食雞粥架!
等我都去試下先！
回覆刪除[版主回覆06/19/2013 15:01:50]yeah~ 不過你唔好食咁多煎炸野喎
浄看個名，仲以爲系“日本”粥店添。
回覆刪除[版主回覆06/19/2013 15:01:17]我成日都將佢講成"關西粥店"架...哈哈...
看到都覺得好食
回覆刪除[版主回覆06/20/2013 10:20:37]有機會試下丫
我都係啱啱先睇到原來係"西關"......我尋日一直以為係關西.......
回覆刪除[版主回覆06/20/2013 10:20:21]如果係關西粥店大家可能仲開心呀! 哈哈~
有骨唔鍾意, 內臟唔鍾意, 有薑唔鍾意, 有芫茜唔鍾意. same here!!
回覆刪除[版主回覆06/21/2013 09:59:00]yeah~ give me five!!
有骨唔鍾意, 內臟唔鍾意 << me too!!!!! high five!
回覆刪除[版主回覆06/25/2013 09:48:36]