法國鄉村小館 ~ Bistro Du Vin

之前見小儀介紹過位於西環既一間法國小餐館，呢度唔係食幾個鐘都唔飽肚既fine dining，而係可以一家大細一齊分享既法國鄉村菜！

入到餐廳地方唔算大，牆上掛滿法國風情既裝飾，頗有心思特色！

牆上仲有個大黑版寫住Daily Specials，不過相信每日都有呢d架喇！咁遠睇唔清楚？唔梗要，侍應會攞個小黑版出黎，仲會細心介紹佢地既特色菜呢！

因為睇openrice知道呢度免開瓶費，於是我地帶左支酒黎，剛坐低時，侍應見到我地支餐酒，已經好快速地自動波幫我地從袋中取出餐酒，再細心地摺好環保袋俾返我，然後用冰袋雪住支酒... 好醒目呢~

因為同行既兩位朋友仲未到, 侍應見我地未order, 於是同我地講佢地招牌既Boullabaise馬賽海鮮湯得返最後一煲, 問我地駛唔駛reserve定, 我都係比呢個招牌菜所吸引而黎, 當時只係六點幾就咁快賣晒?! 我地真係好彩啊!

呢度仲有另一樣吸引之處就係幾乎所有菜都用Le Creuset上枱, 保暖之餘又美觀! 食都食得開心D...呵呵! 講返個湯, 其實呢個係二人份量, 所以湯就少D, 但海鮮十分足料,  所有海鮮既精華都溶入晒喺湯裏面, 鮮味無比!! 好想翻一翻佢呀! 

另一道招牌菜就係Pig Leg Confit, 脆皮油浸豬脾, 據聞呢個菜需要花好多時間製作, 係一道心機菜呢~ 果然皮脆肉嫩, D肉只要用叉輕輕就分得開...入口即溶!

Braised Beef Cheek 燉牛面頰, 呢個上枱時熱辣辣, 一樣係好入味好淋, 唔黐牙... 唔錯啊!

仲有配薯蓉

Escargot Bone Marrow, 第一次食牛骨髓, 質地好似啫喱, 但就冇乜味, 全靠配上上面既香草法國蝸牛, 香草醬好好味呢~

原本侍應仲介紹Duck Leg Confit同甜品, 但因為之前食果兩個肉都係幾膩, 加上Duck Confit都係D入口即溶既質地, 感覺上同另外兩道菜好似, 所以就冇叫lu...

P.S. 呢篇blog好奇怪...明明今朝已經post左出黎, 但到我放工用電話app睇時, 又顯示呢篇blog仲係草稿, 當我click入去時, 就發覺之前打既野冇晒... 又話Blogger會auto save既? 唉... 又要重新打過...真係好氣餒呀! 仲有我想將D相放大D, 但只有第一張相可以俾我揀大細, click其他相都冇反應... 可以喺邊度set呢?