唔記得幾時開始有化粧既習慣, 覺得化粧後顯得精神左, 整理儀容亦係禮貎一種丫... 不過我屬於混合性皮膚, T字位易出油, 但面頰就較乾, 試過好多粉底都會好快就令我出油, 溶粧既問題, 又或者太乾令鼻頭甩皮... 試過好多牌子都唔係太適合, 直至三年前開始轉用CHANEL美白粉餅, 就可以解決晒我以上既問題, 而家遮瑕都好好, 一試就好喜歡, 一直用到今天...
不過剛剛用完去補貨, Sales小姐介紹呢隻高清粉餅, 更加補濕, 透薄, 自然, 仲幫我試上妝, 的確好貼, 好滑... 而且附送粉掃, 可以作補妝或者淡妝時使用! 值得推介呢~
我唔化妝唔出得街，好似冇著衫見人咁。
回覆刪除我都用過個隻高清粉底，好透薄的，不過依家又轉用第二隻lu
你天生麗質，薄施姿粉已經好索啦！咁你而家用邊隻牌子呀？
刪除妳唔好講笑啦...我用緊GA
刪除我之前都用過GA, 初初用都覺得唔錯, 不過用完chanel就覺得更加適合自己
刪除我都係呀, 一定要搽foundation, 好羨慕d 可以素顏出街!!
回覆刪除係啦~ 可以慳唔少化粧品錢...
刪除呢度幾時變左美容blog?
回覆刪除呢度一向都冇話係屬於咩blog, 都係自己想講乜就乜啫...見用過呢隻幾好, 想分享下嘛~ =P
刪除我一直都唔識用two way粉餅><
回覆刪除呢隻方便嘛, 感覺又貼D薄D
刪除我都只係識用liquid foudation. btw, 我一直都想用CC cream, 但KR 果D 化得太白, 所以早前買咗CHANNEL, 但都係唔得.
回覆刪除我以前都係用liquid foudation, 但又覺得唔夠薄, 同埋好易出油, 我有朋友喺韓國買左支nature republic既BB cream俾我, 我覺得好好用, 但搵過晒(連official website都搵埋)都冇得賣...奇怪... 之後用過chanel CC Cream我又覺得OK喎...或者Laura Mercier都唔錯呢~
刪除我都知化咗靚啲, 但我實在太懶化妝 ^-^
回覆刪除有啲牌子真係試過鼻頭甩皮問題, 超核突! 等我得閒試吓呢一隻 Channel 先! (而家用緊 guerlain, 都好好用!)
而家成日開冷氣, 皮膚好乾, 要搽多D保濕或敷多D保濕mask先得, 如果唔係真係好易甩皮呢~ 粧都上唔到添呀
刪除我都唔識用粉餅, 直接用上面就OK? 唔駛先用FOUNDATION?
回覆刪除我會搽BB cream或防曬打底先囉
刪除我以前都係架，唔化唔ok, 但當我d 皮膚越來越差，我就無計下停晒。。
回覆刪除而家係調色霜 加碎粉就算，面上d 印遮唔住都唔敢搽太多 (>﹏<)
咁又係...唯有卸粧勤力D啦
刪除我唔識化粧，化到一舊舊仲得人驚過唔化，所以都係唔好攪咁多嘢。。。 >_<
回覆刪除雖然未見過你真面目, 但都估到你愛崇尚自然, 不造作... 但我想崇都唔得...會嚇親人 =P
刪除唔搽粉....只可以去樓下買野,去遠少少都係搽下好d^^
回覆刪除對啊!! ^^
刪除